សំណួរទី៥
តើខ្ញុំគួរធ្វើអ្វីបើគេសម្លុតធ្វើបាបនៅសាលា?
តើប្អូននឹងធ្វើយ៉ាងណា?
សូមស្រមៃគិតអំពីរឿងនេះ: ថ្ងៃនេះបូរ៉ា មិនចង់ទៅសាលាទេ ហើយថ្ងៃស្អែកក៏មិនចង់ទៅដែរ។ តាមពិត គាត់លែងចង់ទៅសាលារហូត។ ហេតុអ្វី? ពីព្រោះបីខែមុន សិស្សរួមថ្នាក់បាននិយាយរឿងមិនពិតអំពីគាត់។ រួចមក ពួកគេបានដាក់ងារឲ្យគាត់។ ជួនកាល មានសិស្សម្នាក់ដើរបុកបូរ៉ាឲ្យជ្រុះសៀវភៅពីដៃគាត់ ហើយធ្វើដូចជាបុកគាត់ដោយអចេតនា ឬមួយក៏មានសិស្សម្នាក់ក្នុងចំណោមសិស្សមួយក្រុមដែលដើរពីក្រោយគាត់បានរុញគាត់ តែពេលគាត់ងាកទៅ គាត់មិនដឹងថាអ្នកណាជាអ្នករុញគាត់ទេ។ កាលពីម្សិលមិញ បូរ៉ាទទួលរងការធ្វើបាបកាន់តែសាហាវជាងមុន ពេលគាត់បានទទួលសារគំរាមមួយតាមអ៊ីនធឺណិត . . .
បើប្អូនជាបូរ៉ា តើប្អូននឹងធ្វើយ៉ាងណា?
គិតមុនគូរ!
តាមពិត ប្អូនអាចយកឈ្នះបាន! ប្អូនអាចតបតនឹងពួកអ្នកដែលសម្លុតធ្វើបាបប្អូន ដោយមិនចាំបាច់ប្រើកណ្ដាប់ដៃ។ តើតាមរបៀបណា?
-
សុភាសិត ២៩:១១) ពួកអ្នកដែលសម្លុតប្អូនប្រហែលជាលែងចាប់អារម្មណ៍ធ្វើបាបប្អូនទៀត បើពួកគេមើលទៅឃើញថាប្អូនចេះទប់ចិត្ត។
កុំមានប្រតិកម្ម។ គម្ពីរចែងថា៖ «ពួកល្ងីល្ងើ សំដែងចេញអស់ទាំងកំហឹងរបស់ខ្លួន តែមនុស្សមានប្រាជ្ញាគេទប់ចិត្ត ហើយរំងាប់ចេញវិញ»។ ( -
កុំសងសឹក។ គម្ពីរចែងថា៖ «កុំតបស្នងការអាក្រក់ដល់អ្នកណាដែលធ្វើអាក្រក់ចំពោះអ្នកឲ្យសោះ»។ (រ៉ូម ១២:១៧) ការសងសឹកនឹងនាំឲ្យមានបញ្ហាកាន់តែធំឡើង។
-
ចូរគេចចេញពីបញ្ហា។ គម្ពីរចែងថា៖ «មនុស្សដែលមានគំនិតឆ្លៀវឆ្លាត គេឃើញសេចក្ដីអាក្រក់មក ក៏ពួនខ្លួនទៅ»។ (សុភាសិត ២២:៣) ពេលណាដែលប្អូនអាចធ្វើបាន សូមជៀសចេញពីស្ថានភាពនិងមនុស្សដែលអាចសម្លុតគំរាមប្អូន។
-
ចូរឆ្លើយដោយធ្វើឲ្យគេហួសចិត្ត។ គម្ពីរចែងថា៖ «ពាក្យតបឆ្លើយដោយស្រទន់ នោះរមែងរំងាប់សេចក្ដីក្រោធទៅ»។ (សុភាសិត ១៥:១) ប្អូនអាចសាកល្បងឆ្លើយរបៀបកំប្លែង។ ជាឧទាហរណ៍ បើអ្នកដែលសម្លុតប្អូនប្រាប់ថាប្អូនធាត់ពេក ប្អូនប្រហែលជាញាក់ស្មា រួចនិយាយថា៖ «អូមែន ខ្ញុំត្រូវស្រកពីរបីគីឡូសិន!»។
-
ចូរដើរចេញ។ ប្អូនស្រីម្នាក់ឈ្មោះណូរ៉ា អាយុ១៩ឆ្នាំ បាននិយាយថា៖ «ការនៅស្ងៀមបង្ហាញថាអ្នកមានគំនិតចាស់ទុំនិងចេះទប់ចិត្ត។ តែមនុស្សដែលចំអកឲ្យអ្នកនិងមនុស្សដែលសម្លុតអ្នក គ្មានគុណសម្បត្ដិដូចនេះទេ»។—ធីម៉ូថេទី២ ២:២៤
-
ចូរមានទំនុកចិត្តលើខ្លួនឯង។ ជាញឹកញយ ពួកអ្នកដែលសម្លុតធ្វើបាបគេ ពួកគេឆាប់សម្គាល់ឃើញអ្នកដែលទំនងជាខ្វះទំនុកចិត្ត និងអ្នកដែលមិនឲ្យតម្លៃលើខ្លួនឯង។ ផ្ទុយទៅវិញ អ្នកដែលសម្លុតធ្វើបាបប្អូននឹងលែងធ្វើដូច្នោះទៀត បើពួកគេឃើញថាពួកគេមិនអាចបំភ័យប្អូនបាន។
-
ចូរប្រាប់អ្នកណាម្នាក់។ អតីតគ្រូបង្រៀនម្នាក់បាននិយាយថា៖ «ខ្ញុំសូមលើកទឹកចិត្តអ្នកដែលត្រូវគេសម្លុតធ្វើបាប ឲ្យហ៊ានប្រាប់អ្នកឯទៀត។ នេះជាអ្វីត្រឹមត្រូវដែលពួកគេគួរធ្វើ ហើយនេះអាចជួយការពារមនុស្សផ្សេងទៀតពីការសម្លុតធ្វើបាប»។
ការមានទំនុកចិត្តលើខ្លួនឯងនឹងជួយប្អូនឲ្យមានកម្លាំងពិតប្រាកដ តែអ្នកដែលសម្លុតធ្វើបាបប្អូនខ្លាំងតែសម្បកក្រៅប៉ុណ្ណោះ