ຄຳຖາມທີ 5
ຖ້າຂ້ອຍຖືກຂົ່ມເຫງຈະເຮັດແນວໃດ?
ເຈົ້າ ຈະເຮັດແນວໃດ?
ໃຫ້ນຶກພາບເຫດການນີ້: ໂທມັດບໍ່ຢາກໄປໂຮງຮຽນທັງໃນມື້ນີ້ ມື້ອື່ນ ແລະມື້ຕໍ່ໆໄປ. ຍ້ອນວ່າສາມເດືອນກ່ອນ ໝູ່ໃນໂຮງຮຽນໄດ້ແຜ່ຂ່າວລືທີ່ມຸ່ງຮ້າຍຕໍ່ລາວ ແລ້ວກໍຕັ້ງສາຍາໃຫ້ລາວ. ບາງຄັ້ງກໍມີຄົນຟາດປຶ້ມຢູ່ມືຂອງລາວຕົກແລ້ວກໍເຮັດຄືກັບວ່າບໍ່ໄດ້ຕັ້ງໃຈ ຫຼືບາງຄັ້ງຄົນໜຶ່ງໃນກຸ່ມທີ່ຢູ່ທາງຫຼັງໄດ້ຊຸກໂທມັດ ເມື່ອລາວຫຼຽວໄປເບິ່ງກໍບໍ່ຮູ້ວ່າໃຜເຮັດ. ມື້ວານນີ້ແຮ່ງຖືກຂົ່ມເຫງເປັນຕາຢ້ານກວ່າເກົ່າເມື່ອໂທມັດຖືກຂູ່ທາງໂທລະສັບ . . .
ຖ້າເຈົ້າເປັນໂທມັດ ເຈົ້າຈະຕອບໂຕ້ແນວໃດ?
ຢຸດແລະຄິດ!
ບໍ່ແມ່ນວ່າເຈົ້າບໍ່ມີແຮງສູ້ຄືນ! ທີ່ຈິງ ເຈົ້າສາມາດເອົາຊະນະຄົນທີ່ຂົ່ມເຫງໄດ້ໂດຍບໍ່ຕ້ອງໃຊ້ກຳລັງ. ໂດຍວິທີໃດ?
-
ສຸພາສິດ 29:11, ລ.ມ.) ຖ້າເຈົ້າເຮັດເສີຍໆ ຄົນທີ່ຂົ່ມເຫງອາດຈະເຊົາໄປເອງເພາະເຫັນວ່າເຮັດຫຍັງເຈົ້າບໍ່ໄດ້.
ເຮັດເສີຍໆ. ຄຳພີໄບເບິນບອກວ່າ: “ຄົນໂງ່ລະເບີດອາລົມອອກມາເຕັມທີ ແຕ່ຄົນສະຫຼາດລະງັບອາລົມໄວ້ສະເໝີ.” ( -
ຢ່າຕອບໂຕ້. ຄຳພີໄບເບິນບອກວ່າ: “ຢ່າທຳຊົ່ວຕອບແທນຊົ່ວແກ່ຜູ້ໜຶ່ງຜູ້ໃດ.” (ໂລມ 12:17) ການແກ້ແຄ້ນຈະເຮັດໃຫ້ສະຖານະການຮ້າຍແຮງຂຶ້ນ.
-
ຢ່າເຂົ້າໄປສູ່ບັນຫາ. ຄຳພີໄບເບິນບອກວ່າ: ‘ຄົນສະຫຼາດເຫັນການຮ້າຍແລະໄປລີ້ຕົວ.’ (ສຸພາສິດ 22:3) ຖ້າເຮັດໄດ້ ໃຫ້ຫຼີກລ່ຽງຄົນແລະສະຖານະການທີ່ເຈົ້າຮູ້ວ່າອາດຈະຖືກແກ້ງ.
-
ຕອບໃຫ້ດີເກີນຄາດ. ຄຳພີໄບເບິນບອກວ່າ: “ຄຳຕອບອ່ອນຫວານກໍໃຫ້ຄວາມຄຽດຮ້ອນຮົນຖອຍຫາຍໄປ.” (ສຸພາສິດ 15:1) ເຈົ້າອາດເຮັດໃຫ້ເປັນເລື່ອງຕະຫຼົກກໍໄດ້. ຕົວຢ່າງເຊັ່ນ: ຖ້າຄົນມັກເວົ້າກວນວ່າເຈົ້າຕຸ້ຍຫຼາຍ ເຈົ້າກໍພຽງແຕ່ຍິ້ມແລະເວົ້າວ່າ: “ຂ້ອຍກໍຄິດວ່າຈະລົດນໍ້າໜັກຈັກ 2-3 ກິໂລຢູ່ໄດ໋!”
-
ຍ່າງໜີ. ໂນຣາ ອາຍຸ 19 ປີ ເວົ້າວ່າ: “ການມິດຢູ່ແລ້ວກໍຍ່າງໜີສະແດງວ່າເຈົ້າເປັນຜູ້ໃຫຍ່ ເຈົ້າຄວບຄຸມຕົວເອງໄດ້ແລະເຂັ້ມແຂງກວ່າຄົນທີ່ແກ້ງເຈົ້າ.”—2 ຕີໂມເຕ 2:24
-
ສ້າງຄວາມໝັ້ນໃຈໃຫ້ຕົວເອງ. ຄົນທີ່ມັກຂົ່ມເຫງຈະເບິ່ງອອກວ່າຄົນໃດເບິ່ງຕົວເອງໃນແງ່ລົບແລະຄົນໃດທີ່ບໍ່ມັກສູ້ຄືນ. ແຕ່ຄົນທີ່ມັກຂົ່ມເຫງຈະຖອຍໜີຖ້າເຫັນວ່າບໍ່ສາມາດຄວບຄຸມເຈົ້າໄດ້.
-
ບອກຄົນອື່ນ. ອະດີດອາຈານສອນຄົນໜຶ່ງເວົ້າວ່າ: “ຂ້ອຍບອກນັກຮຽນທຸກຄົນທີ່ຖືກກວນວ່າ ໃຫ້ບອກອາຈານໂລດ. ເປັນສິ່ງຖືກຕ້ອງທີ່ຈະເຮັດແບບນັ້ນ ເພາະຈະຊ່ວຍຕົວເອງແລະຄົນອື່ນບໍ່ໃຫ້ຖືກກວນ.”
ຄວາມໝັ້ນໃຈໃນຕົວເອງຈະເຮັດໃຫ້ເຈົ້າມີກຳລັງ ເຊິ່ງຄົນທີ່ມັກແກ້ງບໍ່ມີກຳລັງແບບນີ້