Díí áhoonííł jiní: Thomas éí kodóó doo óltaʼgóó nídeesháał da nízin. Éí tááʼ nááhai yę́ędą́ą́ʼ bił hahoolzhiizh. Łaʼ yił ółtaʼígíí tʼáá ádzaagóó baa nahasneʼ. Éí bikéédóó házhiʼ ałʼąą ádaatʼéego há ádayiilaa. Łaʼ éí tʼáá ákódaanéehgo Thomas binaaltsoos yę́ę, bílákʼeedę́ę́ʼ háádayiiłtłʼiʼ. Doodaiiʼ bineʼdę́ę́ʼ bíndadiigoh. Áko nátʼą́ą́ʼ nídítʼįįhgo háí átʼínígíí doo bééhózin da łeh. Adą́ą́dą́ą́ʼ éí tʼóó tséʼádin ádzaa, internet chodayoosʼįįdgo Thomas kódandiilnííł dahodííniid . . .

Ni Thomas ánítʼı̨́įgoshąʼ, haa díínííł?

Ni éí díí bíníłdzil doogo átʼé! Tʼáadoo adzííníłtsʼin da ndi, édaʼatsʼihii baa hodinííłnééł. Haash yitʼéego?

•   BAA HONÍYĄ́. Diyin Bizaad ání: “Diné doo áhályáanii tʼáá bánáháchįįh bikʼeh tʼáá ákǫ́ǫ́ tʼáá ałtso yaa halneʼ, nidi diné hóyáanii éí tʼóó yił déesxéél.” (Proverbs 29:11) Tʼóó bił ánítʼéego—éí naa nátʼínę́ę tʼóó nikʼididoogáałgo átʼé.

• NÁTʼĄ́Ą́ʼ BIKʼEH ÁNÁOʼNÉÉH LAGO. Diyin Bizaad ání: “Nihichʼįʼ doo yáʼátʼééhgóó ádaaníiłii tʼáadoo tʼáá éí bee kʼéédadohdleʼé.” (Romans 12:17) Ánʼdilyaaígíí nátʼą́ą́ʼ náhóóchįįdgo éí tʼóó tséʼádin ádíílííł.

• DOO YÁʼÁTʼÉEHII BITSʼĄĄ ÁDAA ÁHÓLYĄ́. Diyin Bizaad ání: “Diné hóyáanii doo yáʼátʼéehii yiyiiłtséehgo yitsʼąą nídítʼı̨́ı̨́h.” (Proverbs 22:3) Diné édaʼatsʼihígíí bitsʼąą ádaa áhólyą́.

• DOO NIŁ NAYÓLÍHÍGI ÁDÍÍNÍÍŁ. Diyin Bizaad ání: “Áháchįʼ bichʼįʼ hazhóʼó hááʼiidziihgo éí ániʼ náyooshǫǫł.” (Proverbs 15:1) Baa dloh hasinígíí da choidííłʼįįł. Díí átʼé nahalingo. Néʼatsʼihígíí “ni éí ayóó áníldííl” nidííniidgo, bichʼįʼ da kónídidííʼniił. “Éí lą́ą, náneeskaad yíyą́ą́ʼ yę́ę shı̨́ı̨́ biniinaa!”

• TʼÓÓ BITSʼÁ DÍÍNÁÁŁ. Nora éí 19 binááhaigo kódííniid: “Néʼatsʼihígíí doo nátʼą́ą́ʼ bichʼįʼ háínídzíiʼgo éí nidziil dóó honíyą́ doo. Éí bichʼįʼ níníłdzilígíí bééhózíní doo—ákondi néʼatsʼihígíí éí doo yééhósin da.”—2 Timothy 2:24.

• BEE NÍŁDZIL DOOÍGÍÍ BINANILNISH. Doo hazhóʼó ádaa nitsídaakeesígíí, dóó nídaaldzidígíí hadeinitá. Áko doo tʼóó baa hodííníʼą́ą́góogo, éí nikʼididoogáałgo átʼé.

• HÁIIDA BIŁ HODÍÍLNIH. Łaʼ báʼóltaʼí ńtʼę́ʼígíí ání: “Háiida hwéʼatsʼihgo, éí baa hozhdoolnihgo yáʼátʼééh. Ákótʼéego éí nááná łaʼ doo ákónááyidoodlíił dago átʼé.”