سوال 5
جے سکول وچ میرے نال کوئی بدمعاشی کرے تے مَیں کیہہ کراں؟
تُسی کیہہ کر دے؟
فرض کرو تھامس ہُن توں کدی وی سکول نئیں جانا چاہندا۔ پر کیوں؟ ایہہ مسئلہ تِن مہینے پہلاں شروع ہویا جدوں اوہدے سکول دے بچیاں نے اوہدے بارے بھیڑیاں چنگیاں گلاں مشہور کیتیاں۔ فیر اوہدے عجیب عجیب ناں رکھے۔ ہُن وی کدی کدی کوئی بچہ تھامس نُوں موڈھا مار کے اوہدیاں کتاباں تھلے سُٹ دیندا اے پر ظاہر کر دا اے کہ اِنج غلطی نال ہویا اے۔ یاں فیر پچھوں اوہنوں کوئی دھکا مار دا اے تے جدوں اوہ پچھے مُڑ کے ویکھ دا اے تے پتہ نئیں چلدا کہ دھکا کنہے ماریا اے۔ کل تے اوہناں دی بدمعاشی حد ای پار کر گئی۔ اوہناں نے تھامس نُوں اِنٹرنیٹ تے وی ستاؤنا شروع کر دِتا۔
جے تُسی تھامس دی تھاں ہوندے تے کیہہ کر دے؟
ذرا ٹھہرو تے سوچو!
تُسی لاچار نئیں او۔ بدمعاش بچیاں دا مقابلہ کرن لئی توانوں مکے نئیں، دماغ چلاؤن دی لوڑ اے۔ اَگے دِتے مشوریاں تے غور کرو۔
-
امثال 29:11) جے تُسی چڑو گے نئیں تے بدمعاش بچیاں نُوں توانوں ستاؤن چ مزہ نئیں آوے گا۔
اِٹ دا جواب پتھر نال نہ دوو۔ پاک کلام وچ لکھیا اے کہ احمق اپنا غصہ کڈھ دیندا اے پر سیانا اوہنوں روکدا تے پی جاندا اے۔ ( -
بدلہ نہ لوَو۔ پاک کلام وچ لکھیا اے کہ بدی دے بدلے کسے نال بدی نہ کرو۔ (رومیوں 12:17) جے تُسی بدلہ لین دی کوشش کرو گے تے حالات ہور وِگڑ جان گے۔
-
خطرے توں خبردار رہوو۔ پاک کلام وچ لکھیا اے کہ ہوشیار بلا نُوں ویکھ کے چھپ جاندا اے۔ (امثال 22:3) جِناں ہو سکے ایہو جہے لوکاں توں بچو جیہڑے توانوں تنگ کر دے نیں تے ایسیاں تھانواں تے وی نہ جاؤ جِتھے بدمعاش بچے ہو سکدے نیں۔
-
گل نُوں ہس کے ٹال دوو۔ پاک کلام وچ لکھیا اے کہ نرم جواب غصے نُوں دُور کر دیندا اے۔ (امثال 15:1) تُسی گل نُوں ہاسے مذاق چ پا سکدے او۔ مثال لئی جے کوئی بچہ توانوں کہندا اے: ”اوئے موٹے“ تے تُسی ہس کے کہہ سکدے او: ”ہاں یار کھاندے پیندے گھر دے آں!“
-
چپ کرکے چلے جاؤ۔ 19 سال دی نورا کہندی اے: ”چپ رہ کے تُسی وکھاؤ گے کہ تُسی سیانے او تے بدمعاش بچیاں نالوں بوہتے طاقتور او۔ ایس توں ایہہ وی پتہ چلے گا کہ تواڈے چ تے برداشت دی صفت ہے پر اوہناں چ نئیں۔“—2-تیمُتھیُس 2:24۔
-
اپنا اعتماد ودھاؤن دی کوشش کرو۔ بدمعاش بچے اکثر اوہناں نُوں تنگ کردے نیں جنہاں نُوں اپنے تے بھروسہ نئیں ہوندا تے جنہاں وچ مقابلہ کرن دی جُرأت نئیں ہوندی۔ پر جدوں اوہ ویکھدے نیں کہ تُسی اوہناں نُوں اپنے تے حاوی نئیں ہون دے رہے تے اوہ تواڈا پچھا چھڈ دیندے نیں۔
-
کسے نُوں دسو۔ اِک ٹیچر نے آکھیا: ”مَیں ہمیشاں بچیاں نُوں سمجھانا واں کہ اوہ بدمعاش بچیاں دِیاں کرتوتاں بارے کسے نُوں دسن۔ ایہہ بڑی چنگی گل اے کیونکہ اِنج تُسی کسے ہور نُوں وی ایہناں بدمعاشاں توں بچاؤ گے۔“