TAPUI 5

Yanga culpasha piñacpi imatata rasha

REPRODUCIR EN

IMARAICUTA BALISHCA AN

Can imata rangaraushca yanapai tucunguimi o mana yanapai tucunguichu.

CAN IMATA RANGUIMA

Caita yari: Lucas colegioma mana mas rina munan. Quimsa quilla huasha colegioibi compañeroguna Lucasmanda llullasha rimanaura. Chihuasha apodota churanaura. Imasaibiga maicanbas tangasha paiba cuadernogunata urmachic anaura. Chasna rasha mana imatas rac shina tucuc anaura. Shuc cutin, grupomanda shuc malta huashamanda tangara, pai huashama ricucpi mana imatas rac shina tucunaura. Chimandahuas caina mas piñai callarinaura: Pai compañeroguna, can caya colegioma shamushaga yanga macaringahua shamungui nisha internetpi quillcanaura.

Lucas ashaga imata ranguima.

ALITA PINSARI

Ama yapa preocuparichu. Mana macanacushallata imatas alichina ushangui. Imasata caita rana ushangui.

PAIGUNATA AMA CADSUICHU. Bibliaga nin: “Yuyai illac runaga piñarisha imatas rimanllami. Randi yuyayuc runaga mana ucta piñarinzhu” (Proverbios 29:11). Cungailla shina acpiga canda quillachiccuna yanga rimausha amisha saquingauna.
MANA ALITA RACPIGA AMA CUTICHICHU. Bibliaga nin: “Pihuas cangunata mana alita racpi cangunahuas paigunata ama mana alitaga raichichu” (Romanos 12:17). Chillahuanda cutichicpiga mana alitachu ri tucungui.
MANA ALITA RACCUNAMANDA ANCHURI. Bibliaga nin: “Yuyayuc runaga turmintuta musiasha caruyanmi” (Proverbios 22:3). Ushashaga quillachiccunamanda caruyai.
ALITA YUYARISHA RIMAI. Bibliaga nin: “Pinsarisha cungailla cutichinaga piñarishcata saquichin” (Proverbios 15:1). Asic shina rimana ushangui. Caibi yuyai, maican yapa huira mangui nicpi asic shina casna rimana ushangui: “Indá ansallas tulluyana imataga”.
CARUYAI. 19 huatata charic Nora nin: “Chunlla mana imatas rimasha rishaga mana ucta piñaric, mana manzhac, imata ranata yachac ashcata ricuchin, caita racpi canda molestanata saquingauna” (2 Timoteo 2:24).
CAN AMULLAITA QUIRI. Yanga culpasha piñaccunaga, maican manzhasha mana imatas ranata musianaunmi. Chasna ashahuas, can mana manzhashcata ricushaga saquingaunami.
AMA CHUNLLA SAQUIRICHU. Ñaupa profesora ac nin: “Maican molestashcata mana pacasha rimana mangui. Chasna racpimi shuccunatas quillachinata saquingauna”.

Can amullaita quiricpiga canda molestanata saquingauna.

**YACHANGUICHU**
SIRTU MANA SIRTU	CUTICHISHCA
1 Yanga piñaccunaga unai timpumanda tiyan.	1 Sirtu. Chasnallata Bibliaga Nefilim nishca runagunamanda cuintan, Nefilim nishaga “shuccunata urmachic”nisha nin” (Genesis 6:4).
2 Bullying nishcaga pugllashcalla man.	2 Mana sirtu. Ashca maltaguna yanga culpasha piñaccunamanda huañurishcauna.
3 Yanga culpasha piñaccunataga macanacusha manzhachina an.	3 Mana sirtu. Maicanbiga yanga culpaccunaga mas sinzhi manaun; painahuan mana macanacuibac chan.
4 Shuccunata yanga piñauta ricusha chunlla saquirina ali an.	4 Mana sirtu. Chunlla saquirishaga cambas yanga culpasha piñac cuinta mangui. Alichina randiga problemaibi urmangui.
5 Maicanbiga maican piñaccunaga, manzhashcata mana musianauchun nisha chasna anaun.	5 Sirtu. Yanga culpasha piñaccunaga, yanga paina munai shina anaun. Maicangunaga painallaita mana quirinaunzhu. Alita sintirisha nisha shuccunata piñanaun.
6 Yanga piñaccunaga cambiana ushanaunmi.	6 Sirtu. Shuccuna yanapaihuanga cai runagunaga cambiana ushanaunmi.

MALTAGUNARAICU 10 TAPUIGUNA