KʼÁATCHIʼ 5
¿Baʼax unaj in beetik wa ku beetaʼalten buulin teʼ escuelaoʼ?
¿BAʼAX JEʼEL A BEETKEʼ?
Tukulte: Thomaseʼ maʼ taak u bin xook bejlaʼeʼ, mix sáamal, mix bikʼin. Lelaʼ tres meses káajak u tuklik, tumen joʼopʼ u tsikbaltaʼal baʼaloʼob maʼ jaajtak tu yoʼolaliʼ. Tsʼoʼoleʼ káaj u tsʼaʼabal pat kʼaabaʼob tiʼ. Yaan kʼiineʼ ku jéentantaʼal tumen u yéet xookoʼob yéetel ku beetaʼal u lúuʼsik u libroʼob. Yaan kʼiin xaneʼ ku léenchʼintaʼal, ken u sutuba u yil máaxeʼ, tuláakal ku beetik bey maʼ tu yiloʼob máaxeʼ. Joʼoljeakeʼ túuxtaʼab mensajeʼob tiʼ ich Internet tuʼux ku amenazartaʼal...
Wa teech Thomaseʼ, ¿baʼax jeʼel a beetkeʼ?
¡JEʼELKECH A TUKULTE!
U jaajileʼ jeʼel u páajtal a defenderkaba sin ke a sutik u jeeleʼ. ¿Bix jeʼel a beetkeʼ?
-
Proverbios 29:11). Wa maʼ a beetik u cuentail le baʼax ku yaʼalikoʼobtechoʼ, maʼ xaaneʼ yaan u náakal u yóoloʼobeʼ ku pʼatkechoʼob.
MAʼ A BEETIK U CUENTAILOʼOB. Le Bibliaoʼ ku yaʼalik: «J-maʼ ojéelajeʼ ku chaʼik u jíiltaʼal tumen u yaayam, baʼaleʼ j-ojéelajeʼ ku kóolkuba» ( -
MAʼ A SUTIK U JEEL. Le Bibliaoʼ ku yaʼalik: «Maʼ a boʼotkeʼex kʼaas yéetel kʼaas tiʼ mix máak» (Romailoʼob 12:17). Wa ka sutik u jeeleʼ yaan u maas yantaltech problemaʼob.
-
MAʼ A BIN YIKNALOʼOB. Le Bibliaoʼ ku yaʼalik: «Máak ku tuukuleʼ ku yilik u taal u chuun yajeʼ ku jechik» (Proverbios 22:3). Wa ku béeytaleʼ, maʼ a náatsʼal yiknal le máaxoʼob beetiktech baʼax maʼ maʼaloboʼ.
-
KAN A NÚUK BAʼAX KU YAʼALIKOʼOB. Le Bibliaoʼ ku yaʼalik: «Junpʼéel utsil núuk tʼaaneʼ ku jáawsik le kʼuuxiloʼ» (Proverbios 15:1). Maʼ a jáan kʼuuxil yoʼolal baʼax ku yaʼalikoʼobtech. Jeʼex wa ku yaʼalikoʼobtech polkecheʼ jeʼel u páajtal a waʼaliktiʼobeʼ: «Jaaj a tʼaan, jach jeʼel u yáantken wa ka in wéems wa jaypʼéel kiloeʼ».
-
LUKʼKECHIʼ. Nora, yaan 19 años tiʼeʼ, ku yaʼalik: «Wa maʼ a waʼalik mix baʼal ken lukʼkech yiknaloʼobeʼ ku yeʼesik kʼanchajaʼan a tuukul yéetel ka controlarkaba, lelaʼ letiʼe baʼax maʼatech u beetik le máaxoʼob ku beetik u kʼasaʼaniloʼoboʼ (2 Timoteo 2:24).
-
EʼES MAʼ SAAJKECHIʼ. Le máaxoʼob ku beetkoʼob u kʼasaʼaniloʼoboʼ ku tsʼáaikoʼob cuenta wa sajak máak. Yaʼabeʼ jeʼel u xuʼulul u beetik u kʼasaʼaniloʼob wa ku yilkoʼob maʼ saajkecheʼ.
-
TSIKBALTE. Juntúul ex-profesoraeʼ ku yaʼalik: «Teneʼ kin waʼalik unaj u taʼakal u pool le máaxoʼob ku beetik u kʼasaʼaniloʼoboʼ. Lelaʼ unaj u beetaʼal utiaʼal maʼ u seguer u beetkoʼob u muʼyaj u maasil».
Wa maʼ saajkecheʼ yaan a wilik maas yaan a muukʼ ke le máax beetiktech buulinoʼ.