Ве дәрәще бьдә бәр чʹәʹве хԝә: Дӧ һәвалед мәкʹтәбе незики Браин дьбьн. Ԝе һʹәфтийе әԝана ида дӧ щара зоре ԝи дькьн, ԝәки әԝ щьхаре бькʹьшинә. Ньһа әԝ ида щара сьсийа йә.

Йәк жь гәда дьбежә ԝи:

Чахе әԝ дьбежә хәбәра «һәвал», әԝ чʹәʹве хԝә дьԛӧрьнщинә у тьштәки жь щева хԝә дәрдьхә у дьрежи Браин дькә.

Браин дина хԝә дьде, ԝәки дәсте ԝида щьхарә йә. Әԝ ӧса бәр хԝә дькʹәвә, ԝәки дьле ԝи дәстпедькә ԛайим бькʹӧтә.

Һәрге тӧ дәԝса Браин буйайи, тәйе чь бькьра?

Гәло чьрʹа һәвалед Браин щьхаре дькʹьшиньн? Чьмки әԝ сафикьрьна ԝан ә? Дьԛәԝьмә на. Әԝана кʹәтьнә бәр байе мәрьвед дьн, чьмки хԝәст ьн, ԝәки әԝ мәрьв ԝана ԛәбул кьн.

Һәрге тӧ бькʹәви дәрәщәкә ӧсада, чь ԝе али тә бькә нәкʹәви бәр байе тʹӧ кәси у хԝәха сафикьрьна бьки?

1. ПЕШДА БЬФЬКЬРӘ

   Кʹьтеба Пирозда те готьне: «Йе аԛьл хьрабийе кӧ дьбинә һʹәвза хԝә дькә, ле йе дьлсах пешда дьчьн у зьраре дьбинә» (Мәтʹәлок 22:3).

   Гәләк щар тӧ дькари тедәрхи, ԝәки рʹасти ԛәзийе тейи. Мәсәлә, дурва тӧ дьбини, ԝәки һәвалед тәйә мәкʹтәбе сәкьнинә у щьхаре дькʹьшиньн. Демәк, гава тӧ чәтьнайа дьбини, тӧ дькари һазьр би, сәва кӧ хԝә жь щерʹьбандьна хԝәйи ки.

2. БЬФЬКЬРӘ

   Кʹьтеба Пирозда те готьне: «Исафа хԝә тʹәмьз хԝәй кьн» (1 Пәтрус 3:16, ДТʹ).

   Жь хԝә пьрс кә: «Һәрге әз бькʹәвьмә бәр байе мәрьвед дьн, ахьрийа мьн ԝе чаԝа бә?» Рʹаст ә әԝана ԝе тә ԛәбул кьн, ле паше тӧйе чь сәр хԝә тʹәхмин ки? Сәва кӧ һәвалед хԝә хԝәш бейи, тӧ һазьр и ньһерʹандьна хԝә инкʹар ки? (Дәркʹәтьн 23:2).

3. САФИ КӘ

   Кʹьтеба Пирозда те готьне: «Йе сәрԝахт дьтьрсә» (Мәтʹәлок 14:16).

   Йәкә ахьрийа-ахьрийе мәрʹа ԝе лазьм бә сафикьрьна шәхси бькьн у баре ԝан сафикьрьна бьчьньн. Кʹьтеба Пирозда те готьне дәрһәԛа мәрьвед ӧса ча Усьв, Ибо у Иса, йед кӧ сафикьрьнед рʹаст дькьрьн. Ӧса жи те готьне дәрһәԛа Ԛайин, Әсаԝ у Щьһуда, йед кӧ сафикьрьнед нәрʹаст дькьрьн. Ле сафикьрьнед тә ԝе чаԝа бьн?

Кʹьтеба Пирозда те готьне: «Амьнийа хԝә хԝәй кә» (Зәбур 37:3, ДТʹ). Һәрге тӧ пешда фькьрийи дәрһәԛа ахьрийа сафикьрьнед хԝә у тә сафикьрьна рʹаст кьрийә, ԝи чахи тәрʹа ԝе дьһа һеса бә нәкʹәви бәр байе мәрьва у тӧйе кʹәрәма бьстини.

Бәр хԝә нәкʹәвә, тәрʹа нәлазьм ә аԛьл бьки сәре һәвалед хԝә. Тәрʹа лазьм ә бь мерхасийе тʹәне бежи НА. Йан сәва кӧ сафикьрьна хԝә ԝанарʹа дьһа зәлал әʹйан ки, тӧ дькари бежи:

• «Мьн бьһʹәԝьн!»

• «Әз ԝан тьшта накьм!»

• «Әз дьвиньм һун мьн рʹьнд нас накьн!»

Сәри әԝ ә, щаба хԝә паш нәхи у щаба хԝәда дӧдьли нәби. Тӧйе әʹщебмайи бьмини чаԝа әԝана ԝе тә бьһʹәԝьн!

Чь бькьн һәрге һәвалед тә ԛәрфе хԝә тә дькьн? Дьԛәԝьмә әԝана дьбежьн: «Чь буйә, тӧ чьрʹа ӧса тьрсийайи?» Бир нәкә, ԝәки бь сайа ԛәрфкьрьне һәвалед тә дьхԝазьн тә бьдьнә тьрсандьне. Чаԝа һьмбәри ԝан дәрейи? Дӧ мәщалед тә һәйә.

• Дина хԝә нәдьнә ԛәрфкьрьне. («Тӧ рʹаст и, әз дьтьрсьм!» Паше кьн бежьн дәрһәԛа мәʹнийед хԝә.)

• Ԝана бьдә сәкьнандьне. Шьровәкә чьрʹа тӧ тʹәви ԝан ԛайил нини у паше бь логики ԝана сәрԝахт кә. («Мьн тʹьре һун мәрьвнә  аԛьл ьн, ле тьште нә тьшт дькьн у щьхаре дькʹьшиньн!»)

Гава тӧ дьбини, ԝәки һәвалед тә дәстпедькьн ԛәрфе хԝә тә бькьн, рʹабә һәрʹә! Чьԛас дьреж тӧ бьмини, һаԛас һе зедә ԝе сәр тә һʹьщум кьн. Чахе тӧ һәрʹи, ӧса тӧйе бьди кʹьфше, ԝәки нахԝази кӧ тә контрол кьн.

Тӧ нькари хԝә бь тʹәмами жь ԝана хԝәйи ки. Ле тӧ дькари сәр ньһерʹандьна хԝә бьсәкьни, дәрһәԛа ԝе йәке бежи у ԝан дәрәщада һʹьшйар бьмини. Һәр тьшт тәва гьредайи йә! (Йешу 24:15).