NAʼÍDÍKIDÍGÍÍ 6
Peer Pressure éí Haitʼéego Bichʼįʼ Shidziil Doo?
NISH ÉÍ HAA DÍÍNÍÍŁ?
Díí áhoonííł jiní: Brian naakigo yił daʼółtaʼígíí bichʼįʼ yiʼash: “Nihił níʼdííłtʼoh” hałníigo tʼáá íídą́ą́ʼ naakidi díí damóo biiʼ chʼééh áhółʼįįd. Biniinaa tʼóó bikʼee hoł hóóyééʼ.
Ashkii áłtséhígíí kóhodíiniid:
“Tʼáásh sáhí naniná? Díí éí shikʼis átʼé.”
Áádóó bizaʼazisdę́ę́ʼ nátʼoh łaʼ hayíítą́ągo Brian yichʼįʼ dah yoohtı̨́ı̨́ł.
Brian éí jiiłtsą́ągo tʼóó bikʼee hoł nááhóóyééʼ.
Brian éí kóní: “Tʼáá yeeʼ íídą́ą́ʼ éí doo . . .”
Ashkii łaʼígíí hahóótahgo áháłní: “Tʼáadoo yeeʼ náhinílyésí!”
Brian éí nátʼą́ą́ʼ hanáádzííʼ: “Nda yeeʼ!”
Łaʼ ashkii éí Brian yizénázchidgo kóháłní: “Naʼ díí ni.”
Ashkii áłtsé yę́ę, nátʼoh Brian biniijįʼ dah nááyoohtı̨́įłgo hajeeh noolneʼgo kóháłní: “Nihí éí tsʼídá doo háiida bee bił hodiilnih da.”
Ni Brian ánítʼı̨́įgoshąʼ, haa díínííł?
DÍÍ ÁŁTSÉ BAA NITSÍNÍKEES!
Brian yił daʼółtaʼígíísh ádajitʼı̨́įgi hazhóʼó baa nitsídajizkééz? Nda shı̨́ı̨́. Bééhózínígo tʼóó nááná łaʼ bikééʼgóó jooʼash. Nááná łaʼ hódaneedlı̨́į doo biniyé bikʼeh ájoonííł.
Brian ábiʼdilyaaígi ániʼdilyaago, nish éí haitʼéego bichʼįʼ níníłdzil doo?
-
HASHTʼEʼÁDÍLZIN
Diyin Bizaad ání: “Diné hóyáanii doo yáʼátʼéehii yiyiiłtséehgo yitsʼąą nídítʼįįh, nidi diné doo hóyáanii éí doo yáʼátʼéehii yichʼįʼ tʼáá háoghááh, áádóó yikʼee tiʼhoonih.”—Proverbs 22:3.
Łaʼ bił daʼííníłtaʼígíí nídaʼałtʼohgo yíníʼı̨́ jiní. Haa dííníłígíí tʼáá íídą́ą́ʼ bítséedi baa nitsísíníkéezgo éí ná yáʼátʼéeh doo.
-
DÍÍ ÁŁTSÉ BAA NITSÍDÍÍKOS
Diyin Bizaad ání: ‘Yáʼátʼéehgo dahinohná.’—1 Peter 3:16.
Díí naʼádílkid: ‘Díí atah íisdzaagoshąʼ, bikéédóó haa nishtʼée doo?’ Tʼáá shı̨́ı̨́ aaníí tʼóó nígháníjįʼ nídaneedlı̨́į doo ndi, éí tʼóó bikʼeh ááníiłgo nízhiʼ yę́ę dííłchxǫǫł.—Exodus 23:2.
-
ÍINÍNÍZINÍGÍÍ BEE YIIZĮĮH
Diyin Bizaad ání: “Diné hóyáanii ádaa yisdzidgo doo yáʼáshóonii yitsʼáhághááh.”—Proverbs 14:16.
Niheʼiinaʼ yáʼátʼéehgo yiiltʼihgo éí nihá yáʼátʼééh doo, ndago éí ádihodidiiltʼih. Diyin Bizaad biiʼ éí díí hastóí yaa halneʼ, Jóseph, Job, dóó Jesus éí tʼáá ákogi ádaʼiilaa. Áádóó Kéin, Íísa, dóó Júdas éí doo ákótʼéégóó ádaʼiilaa. Nishąʼ, nish éí haa díínííł?
Diyin Bizaad ání: “Yáʼátʼéehgo áánííł.” (Psalm 37:3) Bee ádihodidííltʼihígíí tʼáá íídą́ą́ʼ átséedi baa nitsísíníkéezgo, éí dooda didííniiłgi doo ná nanitłʼa da doo.
Tʼáadoo baah níniʼí—biniinaaígíí éí doo ałtso bił hodíílnihgóó átʼé.
Tʼóó yeeʼ DOODA bididííniił. Doodaiiʼ kódidííniił da:
-
“Shí éí dooda doo!”
-
“Shí éí doo ákóshtʼı̨́į da!”
-
“Tʼáá yeeʼ íídą́ą́ʼ doo ákóshtʼı̨́į daaígíí nił bééhózin!”
Tʼáá ákǫ́ǫ́ dooda dííníniidgo éí nikʼididookahgo átʼé.
NAA OODLOHGO
Bił ałhąąh nidanikaígíí kónééh daniłníigo tʼóó bikʼeh ááníiłgo éí birobot nilı̨́ nahalin doo
Bił ałhąąh nidanikaígíí kódaniłníigoshąʼ: “Haash nítʼé, ayóoísh náníldzid?” Ákódaniłnínígíí éí peer pressure átʼé. Kóbididííniił da:
-
“Aooʼ tʼáá lá aaníí éí binásdzid!” Áádóó biniyé bééníldzidígíí bee bił hodíílnih.
-
Doodaiiʼ kódííníił da: “Díí biniinaa éí doo ákódeeshníił da” bididíiniił. Áádóó, “Shą́ą́ʼ ni éí doo náʼáłtʼoh da neʼ nisin!”
Tʼáá ákótʼéii ndi doo nikʼidadikááhgóó, éí tʼóó bitsʼą́ąjįʼ dah didíínááł! Díí béénílniih, tʼáá ákǫ́ǫ́ sínízı̨́įgo éí tʼóó tséʼádin naa tiih dookah. Tʼóó dah diniyáago éí doo łah ánídandoodlíił da.
Peer pressure éí tʼáá aaníí hólǫ́. Ákondi bee sínízínígíí ííshjání ádíílííł. Jó ni, éí bee níhólnííh!—Joshua 24:15.
