ΕΡΩΤΗΣΗ 6
Σαρ κα Ατσσάβ Σταθερός Όταν ο Γιαβερά Τερνέ Πιένενα-μαν;
ΣΟ ΚΑ ΚΕΡΕΑΣ ΤΟΥΙ;
Σκέφτινε ακαβά παράδειγμας: Ο Μπράιαν αγχώντιβελα κάνα αβένα πασέ λέστε ντούι συμμαθητές λέσκε. Ανταγιά εβδομάδα, ντούι φαρ προσπαθιντέ τι κερέν-λες τι πιλ τσιγάρα. Ανταγιά ισί η τρίτη φαρ σο προσπαθίνενα.
Ο πρώτος τσσαβό βακερέλα:
«Πάλι κορκορό; Έλα τι γνωρίναβ τούκε εκχέ αμαλές».
Βακερέλα ι λέξη «αμαλές» ντα κερέλα λέσκε γιακχαλί. Σοράν, νικαβέλα κάτι πι τζομπάταρ ντα σικαβέλα-λες κο Μπράιαν.
Ο Μπράιαν ντικχέλα λέσκε βαστέντε, εκ τσιγάρα. Οτθάρ αγχώντιβελα ατζέ πιο μπουτ.
«Συγνώμη», βακερέλα ο Μπράιαν. «Τθεράβα τουμένγκε βακερντό ότι με να . . .»
Ο δεύτερος τσσαβό τσσιναβέλα-λες: «Νταρέσα!»
«Όχι!» αρακχέλα ο θάρρος τι βακερέλ ο Μπράιαν.
Σοράν, ο δεύτερος τσσαβό τσσουβέλα πο βας οπράλ λέσκε πλατιάτε. «Έλα ακανά, λέλα», βακερέλα λέσκε με σουκάρ τρόπος.
Ο πρώτος τσσαβό ανέλα ι τσιγάρα ατζέ πιο πασέ κο Μπράιαν ντα βακερέλα λέσκε σιγά σιγά: «Να κα βακεράς-λες καεκχέσκε. Να κα λελ-λες αμπέρι καέκ τζενό».
Άμα ισινάνας ο Μπράιαν, σο κα κερέας;
ΜΠΕΣ ΝΤΑ ΣΚΕΦΤΙΝΕ!
Σκεφτισάλε άραγε λατσσές ο συμμαθητές του Μπράιαν οντουβά σο κερένα; Ισί λένγκι απόφαση; Μάλλον όχι. Επηρεάντιβενα κατά γιαβερά. Μανγκένα τι δεχτίνεν-λεν ο γιαβερά, ντα αντικάς μουκχένα-λεν τι κερέν-λεν κουμάντος.
Άμα κα αντιμετωπίνεας-λες τούι ανταβά, σαρ κα μπορίνεας τι τραμπίνες κάτι διαφορετικός ντα τι ατσσός σταθερός όταν ο γιαβερά τερνέ πιένενα-τουτ;
-
ΝΤΙΚΧ ΠΙΟ ΑΝΓΚΛΑΛ
Η Αγία Γραφή βακερέλα: «Ο τζενό σο ντικχέλα ανγκλάλ αγαβέλα ο κίνδυνος ντα γκεραβέλα-πες, αλλά οντουλά σο να τζανένα μπουτ πράγματα συνεχίνενα πουμαρό ντρομ ντα τθερένα συνέπειες».—Παροιμίες 22:3.
Μπουτ φαρ, μπορίνεσα τι ντικχές ο πρόβλημας πριν τι αβέλ-πες. Για παράδειγμας, βάκερ ότι ντικχέσα ανγκλά-τούτε μερικέ τι συμμαθητένταρ τι πιν τσιγάρα. Άμα κα ντικχές ο πρόβλημας πιο τζανγκλέ, κα μπορίνες τι αντιμετωπίνες-λες.
-
ΣΚΕΦΤΙΝΕ
Η Αγία Γραφή βακερέλα: «Τι ατσσικιαρέν λατσσί συνείδηση».—1 Πέτρου 3:16.
Σκέφτινε: “Σαρ κα νιωθίναβ τελικά άμα κερντόμ οντουβά σο κερένα ο πιο μπουτ τζενέ;” Ισί μπαγιά ότι για χάνικ καιρός κάνα κερέσα ο χατίρια λένγκε μπορεί τι μπεϊντίνεν-λες ανταβά. Αλλά σαρ κα αισθάντιβες πιο σοράν; Ισινάν έτοιμος τι θυσιάνες το χαρακτήρας ντα ο πράγματα σο μανγκέσα σάντε για τι κερές τι συμμαθητέν τι χαιρίνεν;—Έξοδος 23:2.
-
ΑΠΟΦΑΣΙΝΕ
Η Αγία Γραφή βακερέλα: «Ο γκοντιαβέρ ισί προσεκτικός ντα νασέλα κατά κακός».—Παροιμίες 14:16.
Είτε ακανά είτε πιο σοράν, πρέπει τι κεράς εκ επιλογή ντα τι τζουβντιάς σύμφωνα με την επιλογή σο κερντάμ. Η Γραφή κερέλα λάφι τζενένγκε σαρ για παράδειγμας για τον Ιωσήφ, τον Ιώβ ντα ι Ιησούσκε σο κερντέ ι σωστή επιλογή. Βακερέλα επίσης για τον Κάιν, τον Ησαύ ντα τον Ιούδα σο κερντέ λάθος επιλογές. Σο κα κερές τούι;
Η Γραφή βακερέλα: «Τι αβές πιστός σαρέ κο πράγματα». (Ψαλμός 37:3) Άμα από πριν σκεφτιντάν ο αποτελέσματα σο κα αβέν ντα λιντάν το αποφάσεις, κα αβέλ τούκε πιο εύκολος τι βακερές ξεκάθαρα οντουβά σο πακιάσα ντα κα τθερές επιτυχία.
Μα άγχωνε—να χρειαζίντιβελα τι κερές εκ σαστί ομιλία. Εκ απλός αλλά σταθερός ΟΧΙ μπορεί τι ερεσέλα. Ή για τι ξεκαθαρίνες τι θέση, μπορίνεσα τι βακερές:
-
«Μα μπεσέν μάνταρ!»
-
«Με να κα κεράβ-λες ανταβά!»
-
«Ελάν ακανά, αφού τζανένα-μαν!»
Ο σημαντικός ισί τι απαντίνες αμέσως με θάρρος τι συμμαθητέντε. Άμα κα κερές-λες ανταβά, μπορεί τι σαστίνες σο κα ντικχές καζόμ σουγκό κα τσσιναβέν τι ασχολίντιβεν τούσαρ!
ΣΟ ΤΙ ΚΕΡΕΣ ΑΜΑ ΠΡΑΣΑΝΑ-ΤΟΥΤ
Σο μπορίνεσα τι κερές άμα πρασάνα-τουτ ο γιαβερά τερνέ; Άμα βακερντέ: «Σο πρόβλημας τθερέσα; Νταρέσα;» Πρέπει τι αγαβές ότι πρασάνα-τουτ απλώς για τι πιένεν-τουτ. Σο μπορίνεσα τι κερές; Τθερέσα τουλάχιστον ντούι επιλογές.
-
Μπορίνεσα τι συμφωνίνες ι λαφίντζαρ σο βακερένα για τι πρασάν-τουτ. («Τθερένα δίκιος, νταράβα!» Σοράν βάκερ ο λόγος)
-
Τι βουρτίνες οπρά-λέντε ι πίεση. Εξήγινε σόσκε να μανγκέσα, ντα σοράν βάκερ λένγκε κάτι σο κα κερέλ-λεν τι σκεφτίνεν. («Σαρ αβέλα-πες τι πιν τσιγάρα; Αμντίναβας ότι ισινένας πιο έξυπνοι!»)
Άμα ο γιαβερά τερνέ συνεχίνενα τι πρασάν-τουτ, νας! Τι ντες-τουτ γκοντί, καζόμ πιο μπουτ μπεσέσα οτθέ, αζόμ πιο μπουτ κα πιένεν-τουτ. Άμα κα νασές, κα σικαβές ότι να μουκχέσα ι γιαβερέν τι αλλάνεν-τουτ.
Ισί μπαγιά ότι να μπορίνεσα τι σταματίνες ι πίεση σο δεχτίνεσα κατά γιαβερά τερνέ. Μπορίνεσα, όμως, τι αποφασίνες οντουβά σο μανγκέσα τι κερές, τι βακερές ξεκάθαρα οντουβά σο πακιάσα τούι ντα τι ελεγχίνες τούι ι κατάσταση. Τελικά, η επιλογή ισί τιρί!—Ιησούς του Ναυή 24:15.