මේ සිද්ධිය හිතින් මවාගන්න. ඉස්කෝලේ ළමයි දෙන්නෙක් මේ සතියේ දෙපාරක්ම බ්‍රයන්ට සිගරට් එකක් බලෙන්ම දෙන්න හැදුවා. ඒ දෙන්නා ආයෙත් එයා ළඟට එනවා. දැන් බ්‍රයන්ට පොඩි බයක් දැනෙනවා.

එක ළමයෙක් මෙහෙම කියනවා.

එහෙම කියන ගමන් එයා සාක්කුවට අත දාලා දෙයක් අරගන්නවා.

එයාගේ අතේ තියෙන්නේ මොකක්ද කියලා බ්‍රයන් දන්නවා.

ඔයා බ්‍රයන් නම් ඔයා මොකක්ද කරන්නේ?

බ්‍රයන්ගේ යාළුවන් දන්නේ නැහැ සිගරට් බොන එකෙන් වෙන හානිය ගැන. එයාලා ඒ වගේ දෙයක් කරන්න පෙලඹුණේ තව කෙනෙක්ගේ බලපෑමට අහු වුණු නිසා වෙන්න ඇති. නැත්නම් අනිත් අයගේ හිත සතුටු කරන්න ඕනෙ නිසා වෙන්න ඇති.

ඔයාටත් ඒ වගේ දේකට මුහුණ දෙන්න වුණොත් ඒ බලපෑමට අහු වෙන්නේ නැතුව ඉන්න ඔයාට මොනවාද කරන්න පුළුවන්?

1. අවදානම හඳුනාගන්න

   බයිබලයේ මෙහෙම කියනවා. “බුද්ධිමත් අය අවදානම දුර තියාම හඳුනාගෙන එයින් ඉවත් වෙති. නමුත් අද්දැකීම් අඩු අය ඒ දෙසටම ගමන් කර ප්‍රතිඵල විඳිති.” —හිතෝපදේශ 22:3.

   අනිත් අයගෙන් එන බලපෑම් කලින්ම හඳුනාගන්න පුළුවන්. හිතන්න, පන්තියේ ළමයි කට්ටියක් සිගරට් බිබී ඉන්නවා කියලා. ඔයා එතැනට ගියොත් එයාලා ඔයාටත් සිගරට් බොන්න කියලා බල කරන්න පුළුවන්. ඒ නිසා ඒක මඟහරින්නේ කොහොමද නැත්නම් ඒකට මුහුණ දෙන්නේ කොහොමද කියලා කලින්ම හිතලා බලන්න.

2. හොඳට හිතන්න

   බයිබලයේ මෙහෙම කියනවා. “දෙවි ඉදිරියේ නිදොස් හෘදය සාක්ෂියක් පවත්වාගැනීමට උත්සාහ කරන්න.”—1 පේතෘස් 3:16.

   මේ ප්‍රශ්න ගැන හිතන්න. ‘මං මේ දේ කළොත් මට කොහොම හැඟෙයිද? ඉස්කෝලේ අයගේ හිත දිනාගත්තාට ගෙදර අයට මං මුහුණ දෙන්නේ කොහොමද? රැස්වීම්වලට ගියාම මගේ හිත මට වධ දෙයිද? යාළුවන්ව සතුටු කරන්න ඕනෙ නිසා දෙවිගේ හිතට දුකක් දෙන එක හරිද?’—නික්මයාම 23:2.

3. තීරණයක් ගන්න

   බයිබලයේ මෙහෙම කියනවා. ‘ප්‍රඥාවන්තයා නපුරෙන් ඈත් වෙයි.’ —හිතෝපදේශ 14:16.

   අපි හැමෝටම ජීවිතේ වැදගත් තීරණ ගන්න වෙනවා. බයිබලයේ කියනවා යෝසෙප්, යෝබ්, යේසුස් වගේ අය දිගටම දෙවිට කීකරුව ඉන්න තීරණය කළා කියලා. ඒත් කායින්, ඒසව්, යූදස් වගේ අය දෙවිට අකීකරු වෙන්න තීරණය කළා. ඔයා ගන්නේ මොන තීරණයද?

බයිබලයේ කියන්නේ “යෙහෝවා දෙවි කෙරෙහි විශ්වාසය තබා යහපත කරන්න” කියලයි. (ගීතාවලිය 37:3) යාළුවන් කියන දේ කළොත් වෙන දේ ගැන හිතන්න. එතකොට ඔයාගේ තීරණය එයාලාට කියන්න අමාරු වෙන්නේ නැහැ.

ළමයි ඔයාට බලපෑම් කරද්දී එයාලාට බයිබල් දේශනයක් දෙන්න ඕනෙ නැහැ. ඔයාගේ අකමැත්ත පැහැදිලිව, කෙළින්ම කියන්න. ඔයාට මෙහෙම කියන්නත් පුළුවන්.

• “මං එන්නේ නැහැ!”

• “මං ඔය වගේ දේවල්වලට කැමති නැහැ!”

• “මං ගැන දන්නවානේ.”

හොඳම දේ ඔයාගේ තීරණය පැහැදිලිව, කෙළින්ම එයාලාට කියන එකයි. එහෙම කෙරුවොත් ඔයාගේ යාළුවෝ ඔයාට කරදර කරන එක නවත්වයි.

ඔයා මහා බයගුල්ලෙක් කියලා අපහාස කෙරුවොත් ඔයාට මොනවාද කරන්න පුළුවන්? එයාට ඕනෙ අපහාස කරලා හරි ඔයාව වරදට පොලඹවන්න කියලා මතක තියාගන්න. එහෙම වෙලාවක කරන්න පුළුවන් දේවල් දෙකක් තියෙනවා.

• අපහාසය භාරගන්න. (“ඔයා හරි, මං බයයි.” ඊටපස්සේ ඒකට හේතුව කෙටියෙන් කියන්න.)

• ඔයාට කරපු බලපෑම එයාගේ පැත්තට හරවන්න. ඔයාගේ තීරණයට හේතුව කියලා එයාලා කරන දේ මොන තරම් මෝඩද කියලා පෙන්නන්න. (“මොළේ තියෙන කෙනෙක් හැටියට ඔයා මේ වගේ දෙයක් කරයි කියලා මං කීයටවත් හිතුවේ නැහැ.”)

ඒත් එයාලා දිගටම ඔයාට අපහාස කරනවා නම් එතැනින් අයින් වෙලා යන්න. ඔයා එතැන ඉන්න ඉන්න ඔයාට එන පීඩනයත් වැඩි වෙනවා. එතැනින් ගියත් එයාලාට කැමති විදිහට ඔයාව පාලනය කරන්න ඉඩ දුන්නේ නැති නිසා ඔයා පැරදුණේ නැහැ කියන එක මතක තියාගන්න.

බලපෑම් දිගටම එන්න පුළුවන්. කරන දේ ගැන තීරණයක් ගන්න. ඒක පැහැදිලිව, කෙළින් කියන්න. බලපෑමට අහු වෙනවාද ඒකෙන් බේරෙනවාද කියන තීරණය තියෙන්නේ ඔයාගේ අතේ.—යොෂුවා 24:15.