Banda kupwadjikisha uno mwanda: Nsaa ayifubwila beena kalaasa naaye babidi, Brian bapusha’nka bu muuwa aumufudiila. Takudi kabidi mu lwalwa lubingo kwabamutakula bwa kutoma nfwanka. Uno mmusango wa kasatu wabapimi.

Mwina kalaasa umune baakula’shi:

Pabaakula’shi “kuuku” bafinyi eyiso, akupu beele mboko mu mpaaya batuusha mboko bwa kutambika Brian kintu.

Brian bamono mutshi wa nfwanka wadi mwele mu minwe. Eshimba dibanyiisha kumufudiila.

Su boodya kwikala Brian, boodya kukita kinyi?

Omono’shi bakuuku ba Brian abaukanga kyabakitshi? Nnaabo banabeene abeatshilaa bitshibilo su? Pangi nya. Kebungi, be kwikala balonde abikitaa bangi. Abakyebanga kukuminyibwa na bangi, nyi bwakinyi mbebatadiile bwabadya kwibatakula mu byabakitshi.

Su nnoobe baadi mu uno mwanda, boodya kukimba binangu bilekeene bwa kukambila benoobe naminyi?

1. MWENA KULA

   Bible akula’shi: “Muntu mudimukye, ekumbilaa bubi, anka bapatakane tabamonaa bu mwanda, ngi kyabamwena mpombo.”​—Nkindji 22:3.

   Kebungi, we kumwena bubi ku bula. Bu kileshesho, banda kupwandjikisha’shi bomono kisaka kya beena kalaasa noobe kumpala abatomo nfwanka. We kumwena kula bubi na kukimba bya kwibwipengyela.

2. NANGUSHEENA

   Bible akula’shi: Abitungu ‘kwikala na muntu e munda ebuwa.’​—1 Mpyeele 3:16, Kilombeeno kipya 2014.

   Eyipushe’shi: ‘Nkinyi ki kunfikila su nebalonda?’ Eyendo’shi we kukimba kwisangasha yaaya nsaa. Kadi kunyima okapusha naminy? We kudila kushimisha bumuntu boobe penda bwa kusangasha beena kalaasa noobe su?​—Efilu 23:2.

3. ATA KITSHIBILO

   Bible akula’shi: “Sha-binangu atshiinyi bubi.”​—Nkindji 14:16.

   Su mbya naminyi, muntu ooso e na kya kwata kitshibilo bwa nshalelo aaye na kuuka akikamufwila kunyima. Bible etulungula pabitale Yosefe, Yoobo na Yesu babaatshile bitshibilo bibuwa mu nshalelo. Etulungula dingi pabitale Kaine, Esau na Yundase babaatshile bitshibilo bibubi. Kadi obe namu, we kukita kinyi?

Bible etulungula bwatudya: ‘Kukita myanda ibuwa’. (Misambo 37:3) Su we mupwe kunangushena pabitale kilombeene nkufukila na kuuka kyodya kukita, bi kwikala bibofule bwa kushaala mulamate ku kitshibilo kyobe.

Twealashenanga nya—ata kitshibilo musango umune.

Akula na katshintshi’shi NYA. Sunga bwa kwibaleesha’shi toshintuula kitshibilo kyobe, we kwakula’shi:

• mu myanda yeenu!”

• “Tankitaa yaya myanda’mi!”

• “Anukitshi’nka bu’nwe basha’banguuku!”

Mwanda wi na muulo, ngwa kwata kitshibilo kushi kwialasheena. Su bokitshi byabya, we kukaanya pakumona byabakulekyela mbalo kwi benoobe!

We kukita kinyi su abakusepe kwi benoobe? Pangi be nkulungula’shi: “Opusha moo—a we ntshimba?” Uuka’shi nyi byabakambaa koolomoshena. We kukita kinyi? We na myanda ibidi yodya kukita.

• byabakoolomona. (“Oolo napusha moo!” Akupu webalungule mu kikoso bwakinyi.)

• We kwalwisha yawa akoolomona. Omulungule kabingilo kobopelela, akupu omweleshe kinangu (“Ntangyelanga kinangu’shi we bya kutoma nfwanka!”)

Su abatungunuka na nkoolomona katuka yaya mbalo! Tentekyesha’shi, su boshaala paapa, abanyinsha nkoolomona. P’obe kukatuka paapa pabadi, oleesha’shi bopele kutadiila bangi bwabadya kushintuula bumuntu boobe.

Eyendo’shi nta mbalombeene kuleka nkoolomona nya. Kadi we kwata kitshibilo kya kukita kyakya kyokumiina po’be kwibalungula binangu byobe na kupela kwibishintuula. Ku nfudiilo a byooso, nnobe nabeene aata kitshibilo!​—Yooshwa 24:15.