TANYA 10
Baka Ni Bup Kudus Ulih Nulung Aku?
NAMA DEKA DIGAGA NUAN?
Uji gambarka: David benung deriba ba endur ti enda dikelala iya. Papan tanda jalai enggau tanda tempat nunjukka iya diatu ukai ba endur ke patut. David nemu, iya udah tesat. Iya engka udah tama ngagai simpang jalai ke salah lebuh ba rantau jalai.
Enti sema nuan nya David, nama deka digaga nuan?
BERUNDING DULU!
Nuan bisi tiga iti chara:
-
Nanya penunga jalai.
-
Meda peta, tauka ngena GPS.
-
Terus deriba, ngarapka diri ulih tetemuka jalai ke dituju.
Amat, Chara C nya chara ti pemadu enda mujur
Chara B manah agi ari Chara A. Nambahka nya, peta tauka GPS semampai dikena sepemanjai rantau jalai nya, nulung nuan ngagai endur ke dituju.
Bup Kudus ulih nulung nuan enggau chara ti sama!
Bup ke pemadu mayuh dijual tu ulih
-
ngiring nuan napi penanggul ba pengidup
-
nulung nuan ngelala diri empu sereta nyadi orang ke manah agi
-
nunjukka chara nuan tau ngembuan pengidup ti pemadu manah
SAUT TANYA PASAL PENGIDUP
Ari mit kitai betanya.
-
Nama kebuah langit biru?
-
Baka ni bintang digaga?
Udah nya kitai berengkah nanya pasal dunya kitai.
Kati saut tu bisi ba Bup Kudus?
Mayuh orang ngumbai, Bup Kudus semina ngembuan ensera tauka cherita lama, iya enda ulih dikena, tauka tusah deka meretika iya. Kati penanggul iya ari Bup Kudus empu, tauka ari utai ti didinga orang pasal Bup Kudus? Kati sida bisi nerima penerang ti salah?
Ngambika chunto, orang ngumbai Bup Kudus madahka Petara ti merintah dunya tu. Kati nya amat? Semua utai di dunya tu charut! Mayuh pemedis enggau pemerinsa, penyakit enggau pemati, penyuntuk enggau penusah nginyit. Kati Petara ti bisi pengerindu ngasuh semua tu nyadi?
Kati nuan deka nemu saut iya? Utai ti dipadah Bup Kudus pasal orang ke merintah dunya tu engka ngasuh nuan tekenyit!
Nuan engka beratika, jaku lalau ke bisi dalam brosur tu bepelasarka Bup Kudus. Saksi-Saksi Jehovah pechaya, Bup Kudus ngembuan iring ke tau dikearapka. Tu ketegal iya ‘endang bepun ari Petara magang, lalu beguna kena ngajar, kena ngerara, kena ngaduka utai ti salah.’ (2 Timoti 3:16, 17) Nuan patut mansik Bup Kudus. Taja pan iya bup lama, tang iya agi ulih dikena nyentuk ke diatu!
Nuan Engka Rindu Meda Tu
MENARA JAGA
Nama Kebuah Belajarka Bup Kudus?
Kala nuan berunding, “Aku nadai hari,” tauka “Aku enda ulih ngereja nya.”
PASAL KAMI
Nama Nyadi Lebuh Belajarka Bup Kudus?
Di serata dunya tu, Saksi-Saksi Jehovah dikelala orang ketegal nyendiaka program belajarka Bup Kudus enggau pechuma. Peda chara iya dipejalaika.
PASAL KAMI
Pinta Datai
Kerandauka tanya pasal Bup Kudus, tauka belajar mayuh agi pasal Saksi-Saksi Jehovah.
IRING DIKENA BELAJAR
Bup Kudus—Bup Ari Petara (Begian 1)
Mensia ke nulis Bup Kudus, nya alai kati nya tau dikumbai ‘bup ari Petara?’
IRING DIKENA BELAJAR
Bup Kudus—Bup Ari Petara (Begian 2)
Mayuh penerang ti ulih ngasuh mayuh orang pechaya Bup Kudus nya endang ari Petara.
BUP & BROSUR
Dini Kitai Ngiga Saut Ngagai Tanya ti Beguna Pasal Pengidup?
Kati nuan milih penemu sains, penemu mensia, tauka Bup Kudus?
