Meyyez ɣef liḥala-​yagi: Salim la iteddu s ṭṭumubil, ur yeẓri d acu-​t wemḍiq anda yella. Mi gqubel ixxamen ţ-​ţelwiḥin i d-​yessenεaten iberdan yufa-​d iman-​is ur yelli ara deg wemkan ilaqen; iεreq-​as webrid. Ahat, mi gella iteddu, yeṭṭef abrid ur nwulem ara.

Lukan i telliḍ deg wemkan n Salim, acu i tzemreḍ aţ-​ţxedmeḍ?

Tzemreḍ aţ-​ţeṭṭfeḍ yiwen n ṛṛay ger tlata-​yagi:

1. 1. Aţ-​ţesteqsiḍ albeεḍ.

2. 2. Aţ-​ţessexdmeḍ lkarṭa neɣ GPS.

3. 3. Aţ-​ţkemmleḍ tikli, w’aţ-​ţessirmeḍ a d-​tafeḍ abrid bihfih.

Ṛṛay wis tlata ur yeṣliḥ ara mliḥ, d ayen ibanen.

Ṛṛay wis sin ad yelhu akteṛ n umezwaru. D ṣṣeḥ, tzemreḍ aţ-​ţeţţawiḍ dima yid-​ek lkarṭa neɣ yiwen n GPS ara k-​d-​yessenεaten abrid.

Adlis Iqedsen yezmer a k-​iεiwen am lkarṭa neɣ GPS!

Adlis-​agi mechuṛen di ddunit yezmer:

• a k-​iεiwen aţ-​ţɣelbeḍ cceddat n ddunit,

• a k-​iεiwen aţ-​ţissineḍ w’aţ-​ţwennεeḍ iman-​ik akteṛ,

• a k-​iwerri amek ara tesεuḍ tamεict yifen akk tiyaḍ.

Seg wasmi i nella d imecṭaḥ, nekni nesteqsay.

• Ayɣer igenni d azegzaw?

• S wacu i ţwaxedmen yetran?

Γer zdat, nesteqsay ɣef leḥwayeǧ i ɣ-​d-​yezzin di ddunit.

• Acimi i d-​ḍerrunt twaɣiyin?

• Iwacu i neţmeţţat?

I ma yella leǧwab yeţţunefk-​ed si zik, deg Wedlis Iqedsen?

Aṭas n medden i s-​yeqqaren belli Adlis Iqedsen ţ-​ţaktabt n tmucuha, neɣ yeǧǧa-​t zzman, neɣ bezzaf i gewεeṛ i lefhama. Lameεna, d ṣṣeḥ akka i gella Wedlis Iqedsen neɣ d ayen kan i ţxemmimen lεibad? Yezmer lḥal ur sen-​yeţţunefk ara useεlem iṣeḥḥan.

Di lemtel, ɣur xilla n medden, Adlis Iqedsen yeqqar-​ed: “D Ṛebbi i gḥekmen ddunit.” Meεna, amek i gezmer ad yili waya? Ddunit-​agi tenhewwal; yeqwa deg-​s leḥzen akk-​d lemḥayen, lehlakat akk-​d lmut, timmuɣbent akk-​d twaɣiyin. Amek i gezmer Ṛebbi n leḥmala a -​yefk lehmum-​agi meṛṛa?

Tebɣiḍ aţ-​ţfehmeḍ annect-​a? Ahat a k-​yessewhem leǧwab n Wedlis Iqedsen!

Ad yili tfaqeḍ belli lewṣayat i d-​tefka treẓẓit-​agi ţwakksent-​ed seg Wedlis Iqedsen. Inagan n Yahwa ţţuqennεen belli Adlis Iqedsen yella fell-​as leţkal, axaṭer ‘yeţţuweḥḥa-​d sɣur Ṛebbi’ yerna ‘yenfeε i uselmed, i uqenneε, i wendaṛ.’ (2 Timutawus 3:16, 17) Mebla ccekk a k-​teεǧeb tɣuri n tektabt-​agi n zik, i mazal teṣleḥ ar ass-​a!