Ndai mabyin hpe shingran yu u: David gaw shana aten hta nam kahtawng kata kaw lam hkawm nga ai. Nsin grai sin wa ai majaw shi gara kaw du nga ai hpe n chye mat sai. Shi lam hkawm let, n re ai lam de sa hkrup mat sam ai. Ya, shi lam dam mat sai.

Lama na nang David rai yang hpa galaw na kun?

Nang galaw lu ai lam ni nga ai:

1. Karum hpyi mai ai.

2. Dat wan lang mai ai.

3. Jaw ai lam hpe mu na matu ndai hku sha matut hkawm sa mai ai.

Nambat 3 hpe galaw na nga yang akyu nga yang she nga na.

Numbat 1 hta na numbat 2 gaw grau kaja ai. Nang hta dat wan nga yang, nang gara kaw du taw ai hpe chye lu nna jaw ai lam hpe tam lu na matu, htoi ya na re.

Chyum Laika mung dai zawn karum ya lu ai.

Mungkan ting hta dut lu dik htum laika buk rai nna

• prat hte seng ai manghkang ni a matu lam matsun ni lawm ai

• tinang hkum tinang atsawm chye wa nna, grau kaja ai masha langai byin wa hkra karum ya lu ai

• kaja dik htum aprat hpe lu la na matu lam madun ya lu ai

Anhte ga n nan chye shaga wa ai hte ga san ni san ga ai.

• Lamu gaw hpa majaw sawm tsit a ta?

• Shagan ni hpe hpa hte galaw da ai kun?

Kaba wa ai shaloi gaw mungkan a mabyin masa ni a lam san wa ai.

• Yak hkak jamjau ai lam ni hpa majaw byin nga a ta?

• Masha gaw hpa majaw si ai rai?

Dai ga san ni a mahtai hpe Chyum Laika hta moi moi kaw nna tau hkrau tsun da ai.

Masha nkau mi ndai hku tsun ai: Chyum Laika gaw maumwi mausa ni hte hpring nga ai. Prat n dep mat sai. Chye na na matu mung grai yak ai. Manghkang gaw Chyum Laika kun? Shing nrai masha ni kun? Shanhte shut ai hku sharin hkrum ai majaw kun?

Ga shadawn, mungkan hpe Karai Kasang up hkang nga ai ngu masha ni shadu ma ai. Dai gaw gara hku byin mai na ta? Ndai mungkan a masa ni gaw grai sawng nga ai. Yawn hkyen ai hte jamjau ai lam ni, machyi makaw hte si hkrung si htan, shingra tsin-yam tsindam ni hte hpring nga ai. Tsawra myit rawng ai Karai Kasang gaw kaning rai nna ndai hku galaw na ta?

Mahtai hpe chye mayu ai kun? Chyum Laika hta tsun da ai hpe chye yang nang mau mat na!

Ndai laika buk hta lawm ai lam matsun ni gaw Chyum Laika hta madung ai hpe nang mu na re. Chyum Laika kaw nna lam matsun ni gaw kamhpa ging ai hpe Yehowa Sakse Ni kam ma ai. “Karai Kasang e shung ya ai Chyum Laika shagu gaw, sharin shaga ya ai, daru sharin chye ai, mye shading lu ai” majaw re. (2 Timohti 3:17) Moi kaw na ka da ai raitim prat naw dep nga ai Chyum Laika hpe nang nan hkaja yu u!