KĨŨRIA GĨA 10
Bibilia Ĩngĩndeithia Atĩa?
ŨRĨA ŨNGĨKA
Ta wĩcirie ũndũ ũyũ: David agĩtwarithia ngaari agekora kũndũ atoĩ. Arora ibaũ cia barabara, akona nĩ ma nĩ orire njĩra. No nginya akorũo harĩ handũ akinyire atonyera barabara ĩrĩa ĩtagĩrĩire.
Korũo nĩwe David-rĩ, ũngĩka atĩa?
TA WĨCIRIE
Wĩna maũndũ maigana ũna ũngĩka:
-
Ũrie njĩra.
-
Ũhũthĩre map.
-
Ũthiĩ na mbere gũtwarithia ngaari ũkĩĩrĩgĩrĩra atĩ no ũrĩona njĩra.
Ũndũ wa C ndũngĩteithia mũno.
Ũndũ wa B nĩ mwega gũkĩra wa mbere. Ũgũkorũo na map rũgendo-inĩ rwaku ruothe.
Bibilia no ĩgũteithie na njĩra o ta ĩyo.
Ibuku rĩu rĩkoragwo na andũ aingĩ, no
-
rĩgũtongorie hĩndĩ ĩrĩa ũrahiũrania na mathĩna ma mũtũũrĩre
-
rĩgũteithie kwĩmenya na kwagagĩria ũmũndũ waku
-
rĩgũteithie ũrĩa ũngĩgĩa na ũtũũro mwega biũ
MACOKIO MA CIŨRIA IRIA NDITŨ ŨTŨŨRO-INĨ
Kuuma o twamenya kwaria nĩ tũũragia ciũria.
-
Nĩ kĩĩ gĩtũmaga igũrũ rĩkorũo rĩrĩ rĩa blue?
-
Njata ithondeketwo na kĩĩ?
Tũcokaga tũkambĩrĩria kwĩyũria ciũria ciĩgiĩ maũndũ marĩa marĩ thĩinĩ wa thĩ.
Ĩ angĩkorũo macokio ma ciũria icio makoretwo kuo thĩinĩ wa Bibilia?
Andũ aingĩ moigaga atĩ Bibilia ĩiyũire ng’ano cia gwĩtungĩra, nĩ hĩtũke nĩ mahinda, kana nĩ nditũ mũno gũtaũkĩrũo nĩyo. Hihi Bibilia nĩyo ĩkoragwo na thĩna kana nĩ maũndũ marĩa andũ maiguaga mamĩgiĩ? Hihi maiguĩte ndeto itarĩ cia ma?
Kwa ngerekano, andũ meciragia atĩ Bibilia yugaga nĩ Ngai wathaga thĩ. No ũndũ ũcio ũngĩhoteka atĩa? Thĩ ĩiyũire maũndũ moru ta ruo, mĩnyamaro, mĩrimũ, ikuũ, na ũthĩni. Hihi Ngai ũrĩ wendo no akorũo nĩwe ũrehaga maũndũ ta macio?
Hihi no wende kũmenya macokio? Ũrĩa Bibilia yugaga ũhoro wĩgiĩ nũ wathaga thĩ wahota gũkũgegia.
Kwahoteka nĩ wona atĩ motaaro marĩa maheanĩtwo broshua-inĩ ĩno moimanĩte na Bibilia. Aira a Jehova matikoragwo na nganja atĩ Bibilia ĩkoragwo na ũtongoria wa kwĩhokeka. Gĩtũmi nĩ tondũ Maandĩko mothe “matongoretio nĩ roho wa Ngai na nĩ marĩ ũguni harĩ kũrutana, gũkaanania, [na] kũrũnga maũndũ.” (2 Timotheo 3:16, 17) No wĩthuthurĩrie ũrĩa ibuku rĩu rĩtariĩ.