10-سۇراق
كيەلى كىتاپتىڭ ماعان قانداي پايداسى بار؟
سەن نە ىستەر ەدىڭ؟
مىنا جاعدايدى ەلەستەتىپ كورشى: دەۆيد ٴبىر بەيتانىس جەردە كولىك ايداپ كەلەدى. ٴبىر كەزدە جول بەلگىلەرى مەن جان-جاعىنداعى عيماراتتارعا قاراپ، اداسىپ كەتكەنىن تۇسىنەدى. ول باسقا باعىتقا بۇرىلىپ كەتكەن كورىنەدى.
دەۆيدتىڭ ورنىندا بولساڭ، سەن نە ىستەر ەدىڭ؟
توقتا دا، ويلان!
كەلەسىدەي ٷش ٴتۇرلى جولمەن ارەكەت ەتە الاسىڭ:
-
A. ادامداردان جول سۇراۋ
-
B. كارتانى نە GPS قۇرالىن قولدانۋ
-
C. كوزدەگەن جەرگە ايتەۋىر ٴبىر جەتەرمىن دەپ، جۇرە بەرۋ
بۇل جەردە ەڭ ٴتيىمسىزى B نۇسقاسى ەكەنى انىق.
ال B نۇسقاسى A نۇسقاسىنا قاراعاندا ۇتىمدىراق. سەبەبى كارتا نە GPS قۇرالى ساعان جول بويى تۋرا باعىتتى كورسەتىپ وتىرادى.
كيەلى كىتاپ ساعان ٴدال وسىلاي كومەكتەسە الادى!
كەڭ تارالعان بۇل قۇندى كىتاپ...
-
ومىردە قيىندىقتارعا كەزىككەندە قاجەتتى باعىت-باعدار بەرەدى
-
ٶز-ٶزىڭدى تانىپ، جاقسى ادام بولۋعا كومەكتەسەدى
-
ناعىز باقىتقا قول جەتكىزۋگە كومەكتەسەدى
ومىرلىك سۇراقتاردىڭ جاۋابى
ٴبىز ٴتىلىمىز شىعا سالىسىمەن-اق سۇراقتار قويا باستايمىز.
-
اسپان نەگە كوك؟
-
جۇلدىزدار نەگە جارقىرايدى؟
ال وسە كەلە ومىرگە قاتىستى سۇراقتارىمىز پايدا بولادى.
-
نەگە ٴبىز قايعى-قاسىرەت شەگەمىز؟
بۇل سۇراقتاردىڭ جاۋابى كيەلى كىتاپتا جازىلىپ كەتكەن بولسا شى؟
كوپ ادام كيەلى كىتاپتى اڭىز-اڭگىمەگە تولى كىتاپ دەيدى. كەيبىرەۋلەرى ەسكىرگەن دەسە، تاعى بىرەۋلەرى تۇسىنۋگە قيىن كىتاپ دەپ ويلايدى. ٴبىراق كيەلى كىتاپ شىن مانىندە سونداي ما، الدە بۇل جاي عانا ادامداردىڭ ويى ما؟ ولاردىڭ قاتەلەسۋى مۇمكىن بە؟
ٴبىر مىسال قاراستىرايىق. كەيبىرەۋلەردىڭ ويىنشا، كيەلى كىتاپتا دۇنيەنى قۇداي بيلەپ وتىر دەپ جازىلعان. الايدا بۇلاي بولۋى مۇمكىن بە؟ دۇنيەدەگى جاعداي ابدەن ۋشىعىپ كەتكەن! ادامدار قايعى-قاسىرەت شەگۋدە، اۋرۋعا شالدىعىپ، ٶلىم قۇشۋدا، جوقشىلىق پەن اپاتتاردان زارداپ شەگۋدە. وسىنىڭ بارىنە مەيىرىمدى قۇداي جاۋاپتى بولۋى مۇمكىن بە؟
وسى سۇراقتىڭ جاۋابىن بىلگىڭ كەلە مە؟ كيەلى كىتاپتا بۇعان قاتىستى نە دەلىنگەنى سەنى تاڭعالدىرۋى مۇمكىن!
ٶزىڭ بايقاعانداي، بۇل كىتاپشاداعى اقىل-كەڭەستەر كيەلى جازبالارعا نەگىزدەلگەن. ول قادامىمىزعا تۋرا باعىت بەرە الادى. ەحوبا كۋاگەرلەرى وسىعان كامىل سەنەدى. نە سەبەپتى؟ ويتكەنى «كيەلى جازبالاردىڭ ٴبارى قۇداي رۋحىنىڭ جەتەلەۋىمەن جازىلعان، ٵرى ٴتالىم بەرۋگە، اشكەرەلەۋگە، تۇزەتۋگە ٴتيىمدى» (تىموتەگە 2-حات 3:16، 17). ەرتەدە جازىلعانمەن، زاماناۋي وسى كىتاپتى جاقسى بىلگەنىڭ ساعان كوپ پايدا اكەلەرى ٴسوزسىز!