Ве дәрәще бьдә бәр чʹәʹве хԝә: Деԝид щики нәнасрʹа дәрбаз дьбә. Әԝ ньвисар у һәжмара ԝан кʹуча дьвинә у фәʹм дькә, ԝәки рʹийа хԝә шаш кьрийә. Ча те кʹьфше әԝи кʹуча хԝә шаш кьрийә.

Һәрге тӧ дәԝса Деԝид буйайи, тәйе чь бькьра?

Чәнд мәщалед тә һәнә:

1. А. Жь кәсәки рʹийа рʹаст бьпьрси.

2. Б. Хәрите йан GPS бьди хәбате.

3. В. Рʹийа хԝә бәрдәԝам бьки бь ԝе нете, кӧ тӧйе рʹийа рʹаст бьвини.

Мәщала сьсийа йа лапә нәбаш ә.

Мәщала дӧда жь мәщала пешьн четьр ә, чьмки бь сайа хәрите у GPS тӧ дькари рʹийа рʹаст бьвини.

Һәма бь ви щурʹәйи Кʹьтеба Пироз дькарә али тә бькә!

Әԝ кʹьтеба лапә бәлабуйи дьнйайеда ԝе али тә бькә, ԝәки

• чәтьнайед әʹмьре хԝә сафи ки

• бьби мәрьвәки дьһа баш у хәйсәт-һʹӧнӧред хԝә рʹаст ки

• пебьһʹәси чаԝа бь әʹмьрәки бәхтәԝар бьжийи

Мәрьв жь зарʹотийа хԝәда дәстпедькә пьрса бьдә.

• Чьрʹа әʹзман шин ә?

• Стәйрк жь чь һатьнә чекьрьне?

Ахьрийе әм дәстпедькьн пьрса бьдьн дәрһәԛа ԝан тьшта, чь кӧ дор-бәре мә дьԛәԝьмә.

• Чьрʹа тьштед хьраб дьԛәԝьмьн?

• Мәрьв чьрʹа дьмьрьн?

Дьԛәԝьмә щабед ԝан пьрса ида зудава Кʹьтеба Пирозда һатьнә ньвисаре?

Гәләк мәрьв дьбежьн, ԝәки Кʹьтеба Пироз әԝ кʹьтеба рʹькʹьнийат у чʹирока йә у гәләк кәвьн ә, йан жи гәләк чәтьн те фәʹмкьрьне. Ле гәло рʹасти проблем ԝе кʹьтебеда йә, йан мәрьв дәрһәԛа ԝе кʹьтебе рʹастийе ньзаньн?

Мәсәлә, мәрьва тʹьре кӧ дьнйа бьн һʹӧкӧме Хԝәдеда нә, ле гәло әԝ йәк рʹаст ә? Нә әԝ дьнйа һәвкʹәти йә, әԝ тʹьжә йә пе кӧл-дәрда, нәхԝәши у мьрьне, тʹәшԛәлә у тәнгасийа. Әм ча баԝәр кьн, ԝәки әԝ һʹәму тьшт жь Хԝәде йә?

Тӧ дьхԝази щаба ԝан пьрса бьстини? Әԝ чь кӧ Кʹьтеба Пирозда те готьне дәрһәԛа ԝи, кʹе дьнйа кьрийә бьн һʹӧкӧме хԝә, дькарә тә әʹщебмайи кә!

Дьԛәԝьмә тә дина хԝә дайе, ԝәки ширәтед жь ԝе брошуре, сәр һʹиме Кʹьтеба Пироз ьн. Шәʹдед Йаһоԝа баԝәр дькьн, ԝәки Кʹьтеба Пирозда рʹебәрийед керһати һәнә, чьмки әԝ кʹьтеб «жь бина бәр Хԝәде йә у керһати йә бона һинкьрьне, леһьлатьне, рʹасткьрьне» (2 Тимотʹейо 3:16, 17). Тӧйе пʹошман нәби һәрге сафи ки леколин ки әԝе кʹьтеба кәвьн, ле диса жи модерн!