Tu ninke asi David kuna kusinga etuwa kevango eli ga dira kudiva. Madina goyitarate noyidiviso yomositaura kuna kulikida asi kevango lyepuko ana kara. Ta yi dimburura asi ana puka. Nampo kuna zapukire monzira zepuko.

Ngano nyove David, yisinke ngano no rugana?

Konhi kuna kara eyi no vhura kurugana:

1. To pura va ku likide nzira zouhunga.

2. To tara pokarata.

3. To twikire ngorooro kusinga nehuguvaro asi no ka gwana tupu nzira zouhunga.

Etokoro C kuna kara lyepuko.

Etokoro B ewa unene kupitakana lyokuhova. Karata nazo no kara siruwo nasinye ntani tazi ku vatere monzira zoge nazinye.

Bibeli kuvhura zi ku vatere monkedi zokulifana!

Buke ezi ngazi kuvatera

• momaudigu gemeparu

• lidive nyamoge nokukara muntu gomuwa

• gwane ruhafo meparu

Kutunda unona wetu ose kupura mapuro.

• Morwasinke eguru lya karera sinauguru?

• Morwasinke adi temene nombungururu?

Mokukura kwetu ose kutwikira kupura mapuro.

• Morwasinke au horokere udona?

• Morwasinke atu fire?

Bibeli nare za gava malimbururo komapuro ogo.

Vantu wovanzi kugazara asi Bibeli buke zomasimwititi nonongano ndi asi magano gazo ganare ndi asi udigu kuzikwata egano. Udigu kapisi Bibeli nye kuna kara eyi ava gazara kuhamena Bibeli.

Vantu kugazara asi Bibeli kutanta asi Karunga yige mupangeli gouzuni. Nye oyo usili ndi? Uzuni una yipa unene. Una vhuka kukora noruhepo, mauvera nonomfa nerumbu noyimpagwa. Kuvhura Karunga geharo a rugane maudona gangoso ndi?

Ono hara kudiva malimbururo ndi? Eyi azi rongo Bibeli kuvhura yi ku teture, azo kuuyunga asi uzuni mudima kwa kara mepangero lyomuzonaguli.

Nampo ono yi dimburura asi mapukururo gomosifo esi kwa tunda moBibeli. Nombangi daJehova da yi pura asi Bibeli kuna kara buke zongwa zomavyukiso. Morwa azo kwa ‘zi retesa po mpepo zaKarunga, kwa kara nomulyo gokuronga usili. Azo kukorangeda nokupukurura.’ (2 Timoteusa 3:16, 17) Eyi yiyo wa hepera kuzikonakona.