Uzye Baibo Ingangazwa Uli?

LIZYINI

UMULANDU UNO CICINDAMILE UKUMANYA

Baibo ikati, “mazwi yonsi amu malembelo yene yafuma kuli Leza.” (2 Timoti 3:16) Ngi cacumi avino caya, fwandi Baibo alaamutungulula muli vyonsi vino mukulonda.

I VYANI VINO UNGACITA?

Elenganya ukuti vii vikucitika: Davidi ali na motoka, umu ncende ino alimo atamanyilepo iciliconsi. Museo uno akupitamo ni vikulwa ivilimo vikulangilila ukuti asi muno alinzile ukupita. Lyene Davidi wiluka ukuti wataponga. Limwi pali umuseo umwi uno iwaomvya uno atalalinzile ukuomvya lino alakwiza.

Ndi wewe wali Davidi, i vyani vino ungacita?

TALA ELENGANYA PALI VII!

Kuli ivingi vino ungacita:

Unguzya kuti yakulangilile kuno ufwile ukupita.
Ungalola pali mapu nanti ukuomvya kamasyini akangakulangilila vino ungapita.
Ukutwalilila sile ukupisya, ukutaila ukuti umazana inzila kuno ulinzile ukuya.

Umucumi inzila yakwe citatu yene ali yakusyalikizyako ukukwazwa.

Inzila yakwe cili yatizipapo ukuluta iyakutandikilako. Pa mulandu wakuti ungatwalilila kuomvya mapu nanti kamasyini pakuti vyakutungulula ningo monsi muno ukupita mpaka ufike na pano ukulonda ukuya.

Ali vino na Baibo ingakwazwa!

Ibuku lii lisuma cuze

lingakutungulula lyonsi lino waya ni ntazi
lingakwazwa ukuimanya wemwineco nu kuya umuntu umusuma
lingakulanga ivya kuya nu umi usuma cuze

UKWASUKA AMAUZYO ACINDAME SANA

Lino twatandika sile ukuvwanga, tukauzya mauzyo.

U mulandu ci uno ukwi yulu kukalolekela vii?
Uzye intanda zyapangwa uli?

Ndi twakula tukatandika ukuzya mauzyo pa vintu ivikacitika umu nsi.

U mulandu ci uno iviipe vikacitikila?
U mulandu ci uno antu yakafwila?

Uzye ungazunguka ndi cakuti wazana ukuti amasuko uku mauzyo yaa amuno yaya muli Baibo?

Antu aingi yakati muli Baibo mwaya sile utulai na malyasi ya ufi, nu kuti yata ukuomba, nanti yatala sana ukuvwa. Nomba uzye intazi yaaya muli Baibo, nanti uzye vino antu yuvwa pali Baibo i vyalenga kuye intazi? Uzye ale yamanya ivyaufi pali Baibo?

Antu yamwi yakaelenganya ukuti Leza aakateeka insi. Nomba uzye cico icacumi? Ivintu umu nsi vyavulungana! Mwaya ukucula nu kuwaikwa, ukulwala ni imfwa, ivipowe na mazanzo. Uzye Leza uwaya nu kutemwa aangacita ivintu vii?

Uzye ungatemwa ukumanya icasuko? Vino Baibo ikalanda pali wino akateeka insi vingakuzungusya!

Ufwile watulola ukuti ivyeo ivyaya umu kabuku kaa vyafuma muli Baibo. Ya Nte Yakwe Yeova yasininkizya ukuti Baibo iingatwazwa pakuti ivintu vituzipile. Caya vivyo pano “mazwi yonsi amu malembelo yene yafuma kuli Leza nupya yakaomviwa mu kusambilizya cumi, kukanya kuluvyanya, kulungika kuluvyanya.” (2 Timoti 3:16, 17) Mukwai ungaizanila usininkizyo we mwineco umwi buku kwene lii ilya mpiti, lelo ilikalanda na pa vintu ivikacitika ndakai!