Díí áhoonííł jiní: David bił oolwołígi doo éí hósin da. Kʼad haaʼígi hoł oolwoł doo yę́ęgi doo ákweʼé da. Éí dah naʼaztánígíí bee bééhoozin. David éí yóóʼííyá lágo bił bééhoozįįd. Haaʼígi shı̨́ı̨́ doo ákóneʼ bił dah adiillwod da.

Ni David ánítʼı̨́įgoshąʼ, haa díínííł?

Kódííníił da:

1. Háiida nabididííłkił.

2. Map doodaiiʼ GPS da choidííłʼįįł.

3. Tʼóó nił naa náʼoolwoł doo, haaʼída shı̨́ı̨́ bikʼídíínááł.

Option C éí bééhózínígo tʼahdóó índa bikʼídíínááł.

Option B choisíníłʼįįdgo éí tʼáadoo hodinaʼí bikʼídíínááł. Jó, map doodaiiʼ GPS neihólǫ́ǫgo éí yínááłgóó níká adoolwoł.

Diyin Bizaad tʼáá ákótʼéego níká adoolwoł!

Naaltsoos danéedéhígíí aláahdi nahaniihígíí éí

• nichʼįʼ anídahaztʼiʼígíí yee níká adoolwoł

• binahjįʼ hazhóʼó ádééhodíílzįįł, áko diné yáʼátʼéehii dííleeł

• éí iiná aláahdi yáʼátʼéhígíí nił ííshjání íidoolííł

Tʼah áłchíní daniidlı̨́ı̨́dą́ą́ʼ, naʼídíkid nihee dahólǫ́.

• Haʼátʼíísh biniyé yá dootłʼizhgo ályaa?

• Sǫʼshąʼ haʼátʼíí bee ádaalyaa?

Tʼahádóó éí nihinaagóó ádahooníłígíí bíndaʼídíilkid łeh.

• Haʼátʼíísh biniinaa nihichʼįʼ nidahwiiʼná?

• Háádę́ę́ʼshąʼ dahosiidlı̨́ı̨́ʼ?

Diyin Bizaad tʼáá íídą́ą́ʼ daa biiʼgoshąʼ?

Diné tʼóó ahayóí Diyin Bizaad yeeʼ tʼóó haneʼ átʼé daaní, baa dáaʼdiildeeʼ yeeʼ daaní, doodaiiʼ bikʼiʼdidootı̨́įłgi ayóó nanitłʼa. Diyin Bizaadísh tʼáá aaníí ákótʼé? Doodaiiʼ diné éí ákótʼé danízinígíísh biniinaa?

Diné éí Diyin Bizaad kóní danízin, God yeeʼ nihookááʼgi tʼáá átʼé neeloʼ. Tʼáásh aaníí ákótʼé? Nihokáaʼgi yeeʼ tʼóó tsiʼadeesdeeʼ! Díí bee nihide átʼé, adiniih dóó achʼįʼ nahwiiʼná, naałniih dóó anoonééł, téʼéʼı̨́ dóó ayóó ádahoonííł. Ákoósh God ayóóʼóʼóʼníinii díí tʼáá átʼé bee bikʼíhátʼáah doo?

Nił bééhodoozįįłísh nínízin? Háí íiyisíí yee ádíhólnííhígíí éí Diyin Bizaad nił hodoolnih.

Díí naaltsoos biiʼdóó saad bee áká anáʼáwoʼígíí éí Diyin Bizaad binahjįʼ lágo shı̨́ı̨́ tʼáá íídą́ą́ʼ nił bééhoozin. Jiihóvah Yá Dahalneʼé éí Diyin Bizaad bikʼehgo oodáałgi, éí aláahdi baʼahódlíhígíí átʼéego dayoodlą́. Jó, biniinaaígíí éí “Diyin God ił halneʼgo bee akʼedaʼashchı̨́, éí naʼnitin biniyé, adidooteh biniyé, kʼéhézdon ninádoodlóós biniyé.” (2 Timothy 3:16, 17) Éí shiidą́ąʼdi ályaa ndi díísh jı̨́įdi ayóó chooʼínígíí biniinaa hazhóʼó tʼáá ákwíí jı̨́ néíníłta doo!