Дӕ цӕститӕбӕл рауайун кӕнӕ: Давид ӕнӕзонгӕ рауӕн машинӕбӕл фӕццӕуй. Гъӕунгтӕ куд хуннунцӕ, уомӕ гӕсгӕ ’й балӕдӕрдтӕй, ке фӕддзӕгъӕл ӕй. Ӕвӕдзи кӕмидӕр раст нӕ базилдта.

Ду ба Давиди бунати ци бакодтайсӕ?

Ес дин цалдӕр вариантти:

1. Еске бафӕрсӕ.

2. Къартӕмӕ кенӕ навигатормӕ ӕркӕсӕ.

3. Идарддӕр цо, кӕд над ести хузти иссерисӕ.

Ами, ӕвӕдзи, 3-аг вариант тӕккӕ лӕгъуздӕр ӕй.

2-аг вариант ба 1-агӕй хуӕздӕр ӕй, уомӕн ӕма дин къартӕ кенӕ навигатор раст над амондзӕнцӕ.

Библи дӕр дин уотӕ ӕнхус кӕндзӕй!

Аци дессаги киунугӕ дин банхус кӕндзӕй...

• царди зиндзийнӕдти сӕрти хезун

• дӕхе балӕдӕрун ӕма дӕ уодигъӕдӕ хуӕздӕр кӕнун

• царди хуӕздӕр надбӕл цӕун

Дзорун ка райдӕдта, уӕхӕн сувӕллонмӕ берӕ фарстатӕ фӕууй.

• Арв цъӕх цӕмӕн ӕй?

• Стъалутӕ цӕмӕй конд ӕнцӕ?

Ку исустур уй, удта имӕ ӕндӕрхузи фарстатӕ фӕззиннуй.

• Бӕллӕхтӕ цӕмӕн цӕунцӕ?

• Адӕн цӕмӕн мӕлунцӕ?

Цума еци фарстатӕбӕл Библий дзуапп ес?

Беретӕ фӕззӕгъунцӕ, зӕгъгӕ, Библи зӕронд киунугӕ ӕй ӕма си таурӕгътӕй ӕндӕр неци ес, удта зинбалӕдӕрӕн ӕй. Фал цума гъуддаг уой медӕги ӕй ӕви, адӕн Библий туххӕй цитӕ фегъосунцӕ, уой медӕги?

Зӕгъӕн, адӕнмӕ уотӕ кӕсуй, ӕма Библимӕ гӕсгӕ аци дуйней хецау Хуцау ӕй. Цума е ӕцӕгӕйдӕр уотӕ ’й? Абони дуйне хъӕбӕр мӕгур уавӕри ӕй. Адӕн сӕйунцӕ, мӕлунцӕ, мӕгур цард кӕнунцӕ, удта ма сӕбӕл аллихузи лӕгъуз хӕбӕрттӕ дӕр ӕрцӕуй. Куд гъӕуама уа фӕлмӕнзӕрдӕ Хуцау аци хабӕртти фудгин?

Фӕндуй дӕ аци фарстатӕбӕл дзуапп базонун? Библимӕ гӕсгӕ аци дуйней хецау ка ӕй, уой ку базонай, уӕд, ӕвӕдзи, бадес кӕндзӕнӕ!

Куд ӕй фӕууидтай, уотемӕй аци брошюри ци унаффитӕ ес, етӕ Библибӕл арӕзт ӕнцӕ. Йегови Ӕвдесӕнтӕ ’й федарӕй зонунцӕ, Библий унаффитӕбӕл ӕууӕндӕн ке ес, уомӕн ӕма ӕй «Хуцауи разамундӕй финст ӕма пайда ӕй адӕймаги ахур кӕнунмӕ, уайдзӕф кӕнунмӕ, гъуддӕгтӕ раст кӕнунмӕ, раст зундбӕл аразунмӕ» (2 Тимофеймӕ 3:16, 17). Библий унаффитӕ рагидзаманти ци пайда хастонцӕ, нур дӕр уотӕ пайда ’нцӕ. Ӕма ’й ахур кӕнун ку райдайай, уӕд ибӕл нӕ рафӕсмон кӕндзӕнӕ!