فرض کرو ڈیوڈ اِک انجان علا‌قے وچ گڈی چلا رہیا اے۔‏ اوس علا‌قے دیاں عمارتاں،‏ گلیاں تے چوکاں اُتے لگے بورڈاں نُوں ویکھ کے اوہنوں لگدا اے کہ اوہ کسے غلط تھاں تے آ گیا اے۔‏ اوہ سمجھ جاندا اے کہ اوہ رستہ بُھل گیا اے۔‏ شاید سفر کردیاں اوہنے کوئی غلط موڑ لے لیا اے۔‏

جے تُسی ڈیوڈ دی تھاں ہوندے تے کیہہ کر دے؟‏

تواڈے کول کئی آپشن نیں:‏

1. کسے توں رستہ پچھو۔‏

2. نقشہ ویکھو۔‏

3. ایہہ سوچ کے گڈی چلاؤندے رہوو کہ توانوں صحی رستہ مِل جائے گا۔‏

آپشن C دا کوئی فائدہ نئیں۔‏

آپشن B آپشن A توں بہتر اے۔‏ نقشہ سارے سفر وچ تواڈے کول ہووے گا تے تواڈی رہنمائی کرے گا۔‏

نقشے وانگوں بائبل تواڈی رہنمائی کر سکدی اے۔‏

اَج کل سب توں زیادہ وِکن والی ایہہ کتاب .‏ .‏ .‏

• زندگی وچ آؤن والیاں مشکلا‌ں نُوں حل کرن لئی تواڈی رہنمائی کر سکدی اے۔‏

• چنگا انسان بنن لئی تواڈی مدد کر سکدی اے۔‏

• زندگی دی سب توں ودھیا راہ تے چلن وچ تواڈی مدد کر سکدی اے۔‏

جیویں ای اَسی بولنا شروع کرنے آں اَسی سوال پچھنے آں۔‏

• آسمان نیلا کیوں اے؟‏

• تارے کیوں چمکدے نیں؟‏

جدوں اَسی وڈے ہنے آں تے ساڈے ذہن چ اِنج دے سوال آؤندے نیں:‏

• ساڈے تے مصیبتاں کیوں آؤندیاں نیں؟‏

• لوک کیوں مر دے نیں؟‏

کیہ تُسی کدی سوچیا اے کہ ایہناں سوالاں دے جواب بائبل وچوں مِل سکدے نیں؟‏

بوہت سارے لوک کہندے نیں کہ بائبل صرف قصے کہانیاں نال بھری ہوئی اے،‏ ایہہ صرف پرانے زمانے دے لوکاں واسطے اے،‏ یاں ایہنوں سمجھنا بوہت اوکھا اے۔‏ کیہہ بائبل بارے ایہہ گلاں صحی نیں یاں لوکاں نے ایہدے بارے اپنے ای خیال بنائے ہوئے نیں۔‏

لوکاں دے خیال چ بائبل دسدی اے کہ دُنیا خدا دے ہتھ وچ اے۔‏ پر ایہہ کیویں ہو سکدا اے؟‏ ایہہ دُنیا تے ہتھوں باہر اے!‏ ایہہ دُنیا دُکھاں،‏ تکلیفاں،‏ بیماری تے موت،‏ غریبی تے آفتاں نال بھری ہوئی اے۔‏ بھلا ایہناں حالتاں پچھے اِک پیار کرنے والے خدا دا ہتھ کیویں ہو سکدا اے؟‏

کیہہ تُسی ایہدا جواب جاننا چاہندے او؟‏ شاید بائبل وچوں سچائی جان کے تُسی حیران رہ جاؤ۔‏

ہُن تک تُسی سمجھ گئے ہووو گے کہ ایس کتاب وچ دِتی گئی صلا‌ح بائبل وچوں اے۔‏ یہوواہ دے گواہواں نوں یقین اے کہ بائبل توں مِلن والی رہنمائی سب توں ودھیا اے کیونکہ ایہہ خدا دے الہام توں اے تے تلیم دین تے معاملیاں نوں سدُھارن لئی فائدےمند اے۔‏ (‏2-‏تیمُتھیُس 3:‏16،‏ 17‏)‏ کیوں نہ تُسی بائبل نُوں پڑھو جیہڑ‌ی ہے تے پرانی پر ایہدے مشورے اَج وی لوکاں دی زندگی سنوار سکدے نیں۔‏