Σκέφτινε ακαβά παράδειγμας: Ο Ντέιβιντ πφιρέλα αρατί εκχέ γκαβέστε. Ντα επειδή ισί καρανίκι, να ντικχέλα κάι ακριβώς ισί. Μετά ανταλέσταρ, αγαβέλα ότι χασάρντιλο. Κάποια στιγμή πρέπει τι γκιλό λάθος ντρομέσταρ.

Άμα ισινάνας ο Ντέιβιντ, σο κα κερέας;

Τθερέσα μερικές επιλογές:

1. 1. Τι πουτσές εκχέ τζενές.

2. 2. Τι χρησιμοποιήνες εκ φακός.

3. 3. Τι συνεχίνες τι πφιρές με τη σκέψη ότι κα αρακχές ο ντρομ.

Σαρ αγαβάσα, η Τρίτη Επιλογή νανέ μπουτ λατσσί.

Η Δεύτερη Επιλογή τθερέλα πιο λατσσέ αποτελέσματα κατά Πρώτη. Επειδή άμα τθερέσα εκ φακός κα φωτίνελ το ντρομ μέχρι τι τζας οτθέ σο μανγκέσα.

Αντικάς μπορίνελα τι βοηθίνελ-τουτ η Γραφή-ντα!

Ανταβά βιβλίος σο τζανένα-λες ο πιο μπουτ τζενέ μπορίνελα

• τι καθοδηγίνελ-τουτ για τι αντιμετωπίνες ο προβλήματα ι ζωγιάκε

• τι βοηθίνελ-τουτ τι σικλιός το νεαυτός ντα τι αβές πιο λατσσό τζενό

• τι σικαβέλ τούκε σαρ τι τθερές ι πιο λατσσί ζωή σο υπαρχίντιβελα

Από τότε σο σικλιάσα τι κεράς λάφι, πουτσάσα μπουτέ πραγματένγκε.

• Σόσκε ισί γαλάζιος ο ουρανός;

• Σαρ ισί κερντέ ο αστέρια;

Σοράν, αρχίνασα τι κεράς ερωτήσεις σο τθερένα τι κερέν ι ντουνιάσαρ.

• Σόσκε αβένα-πες μπέτι πράγματα;

• Σόσκε μεράσα;

Μήπως ο απαντήσεις ισινέ πάντα κι Αγία Γραφή;

Μπουτ τζενέ βακερένα ότι η Αγία Γραφή ισί πφερντί μασάλια σο νικαβένα-λεν πουμαρέ γκοντιάταρ, ότι νανέ αμαρέ ντιβεσένγκε ή ότι ναστί αγαβένα-λα. Ισί όμως αντικάς; Ή μήπως ισί λάθος οντουλά σο ασουντέ ο τζενέ ι Γραφιάκε; Μήπως νανέ μπαγιά ανταλά λάφια;

Για παράδειγμας, μπουτ τζενέ πακιάνα ότι η Γραφή βακερέλα ότι ο Ντεβέλ κυβερνίνελα ι ντουνιάς. Ισί όμως μπαγιά ανταβά; Αντιβές ο ντουνιάς νασλό κατά όρια! Υπαρχίντιβελα αζόμ μπουτ ντουκχ ντα βάσανα, νασφαλίματα, μεριπέ, τσοροριπέ ντα καταστροφές. Εκ Ντεβέλ σο μανγκέλα-αμέν μπορίνελα τι ανέλ ανταλά προβλήματα;

Κα μανγκέας τι σικλιός ι απάντηση; Η Γραφή βακερέλα κον κυβερνίνελα ι ντουνιάς ντα μπορεί τι σαστίνες όταν κα σικλιός-λες!

Μάλλον ντικχλάν ότι ο συμβουλές σο ισί ανταλέ βιβλιαριόστε βασίντιβενα κι Γραφή. Ο Μάρτυρες του Ιεχωβά ισί σίγουροι ότι η Γραφή μπορίνελα τι οδηγίνελ-λεν λένγκε ζωγιάτε. Ανταβά αβέλα-πες επειδή «o άγιος πνεύμας ι Ντεβλέσκο βοηθιντάς τι γραφίντιβελ . . . ντα οτθάρ ισί λατσσί για τι σικλιαρέλ-αμέν, για τι ντελ-αμέν συμβουλές, για τι τσσουβάς σε εκ σειράς ο πράγματα». (2 Τιμόθεο 3:​16, 17) Κα αβέλ τι λατσσιμάσκε τι ντικχές σο βακερέλα ανταβά βιβλίος, σο μπορεί τι ισί πουρανό, αλλά ισί αμαρέ ντιβεσένγκε-ντα!