UIRAA 10
E nafea te Bibilia e tauturu ai ia ˈu?
EAHA TA OE E RAVE?
Feruri na i teie tupuraa: Te faahoro ra Tavita i te pereoo i te hoê vahi matau-ore-hia e ana. Ia au i te mau tapao purumu, aita iho â o Tavita i te vahi tano. Ua taa ia ˈna e ua moˈe roa o ˈna. Peneiaˈe ua hape o ˈna i te purumu i te hoê taime.
Ahani o oe o Tavita, eaha ta oe e rave?
A PARAHI E A FERURI!
Ua rau te ravea:
-
A aniani nahea ia haere.
-
A faaohipa i te hoê hohoˈa fenua aore ra te GPS.
-
A faahoro noa ma te tiaturi e e itehia ia oe nahea ia haere.
Mea papu ore te Ravea 3.
Mea maitai aˈe te Ravea 2 i te ravea matamua. E nehenehe hoi e faaohipa i te hohoˈa fenua aore ra te GPS i te roaraa o to oe tere no te aratai ia oe.
Mai tera atoa te Bibilia e tauturu ai ia oe!
E nehenehe teie buka hoo-rahi-aˈe-hia
-
e aratai ia oe a fifihia ˈi
-
e tauturu ia oe ia ite o vai mau oe e ia riro ei taata maitai aˈe
-
e faaite ia oe e nafea ia fanaˈo i te huru oraraa maitai roa ˈˈe
PAHONORAA I TE MAU UIRAA FAUFAA
E ui tatou i te uiraa mai te taime i ite ai tatou i te paraparau.
-
No te aha mea ninamu ai te raˈi?
-
Mea nafea te hamaniraahia te fetia?
A paari mai ai, e ui tatou i te mau uiraa no nia i te oraraa.
-
No te aha te taata e pohe ai?
E mai te peu e tei roto noa te pahonoraa i teie mau uiraa i te Bibilia?
No te taata e rave rahi, ua î te Bibilia i te aai, mea tahito tera buka aore ra mea fifi roa ia taa i te reira. Eaha mau râ te fifi? O te Bibilia anei aore ra o te mea ta te taata i faaroo no nia i te Bibilia te fifi mau? Ua hape anei ta ratou i faaroo?
A hiˈo na: No te taata, te parau ra te Bibilia e na te Atua e faatere ra i te ao. E nafea hoi? Ua î te ao i te oto e te mauiui, i te maˈi e te pohe, i te veve e te ati. O te hoê Atua î i te here anei to muri i tera mau mea atoa?
E hinaaro anei oe e ite i te pahonoraa? O vai te faatere ra i te ao? E maere oe i ta te Bibilia e parau!
Ua tapao paha oe e ua niuhia te mau manaˈo tauturu i roto i teie buka rairai i te Bibilia. No te mau Ite no Iehova, e aratai papu iho â te Bibilia. No te mea “mea faaurua mai [te reira] e te Atua, e e mea maitai ei haapiiraa, ei aˈoraa, ei faaiteraa hapa.” (Timoteo 2, 3:16, 17) Tei ia oe noa i teie nei ia hiˈopoa i teie buka tahito o te tano noa ra no teie mahana!
E au atoa outou . . .
TE PARE TIAIRAA
No te aha e haapii ai i te Bibilia?
Ua manaˈo aˈena oe i teie mau parau, “Aita to ˈu e taime,” aore ra “Aita vau e hinaaro ra”?
NO NIA IA MATOU
Eaha te ravehia i te hoê haapiiraa Bibilia?
E pûpû te Ite no Iehova na te ao nei i te hoê porotarama haapiiraa Bibilia tamoni ore. A hiˈo i te tereraa o te reira.
NO NIA IA MATOU
A ani i te hoê farereiraa
Aparauraa no nia i te Bibilia aore ra no te ite atu â no nia i te mau Ite no Iehova.
BUKA E BUKA RAIRAI
