Мындыг байдалды сагыштаалап көр даан: Эртине танывазы черде халдып олурар. Кудумчуларның аттарын болгаш долгандыр черни барымдаалап көөрге, ол өске черде келген болган. Эртине аза бергенин билип каан. Ол орук ара бир-ле черге өске кудумчуже ээпкен чадавас.

ртинениң орнунга турган болзуңза, канчаар сен?

Сенде каш вариант бар:

1. А. Бир кижиден орукту айтырар.

2. Б. Карта азы навигатор ажыглаар.

3. В. Канчап-чооп-даа чеде бээринге идегеп, орукту уламчылаар.

Билдингир херек, В дугаар вариант эң-не дора.

Б вариант А-дан дээре. Чүге дизе карта болгаш навигатор шын орукту айтып берип, бүгү чорук дургузунда дузалаар.

Библия сеңээ шак ынчаар дузалап болур!

Делегейде эң-не нептереңгей ном сеңээ...

• чуртталгаңда бергелерни ажып эртеринге,

• бодуңну билип, экижиириңге,

• ёзулуг аас-кежиктиг болгаш сеткил ханып чурттаарыңга дузалаар.

Чугаавыс үнүп кээри билек, айтырыгларны салып эгелээр бис...

• Дээр чүге көк чүвел?

• Сылдыстарны чүүден кылып кааныл?

Улгаткан тудум, долгандыр болуп турар чүүлдерге хамаарыштыр айтырыгларны салып эгелээр бис.

• Хай-халаптар чүге болуп турарыл?

• Кижилер чүге өлүп турарыл?

А ол бүгүнүң харыызы шагда-ла Библияда бар болза, канчаарыл?

Хөй кижилер: «Библия — мифтер болгаш тоолчургу чугаалар чыындызы-дыр; Ол эргижирей берген; Ону билип алыры дыка берге» — деп чугаалап турар. Ынчалза-даа хамык ужур Библияда эвес, а улустуң ооң дугайында соора билип турарында болза канчаарыл?

Хөй улустуң саналы-биле алырга, делегейни Бурган чагырып турар. Таанда-ла ол шын деп бе? Бо делегей көңгүс хай-чагырга чок апарган! Ында ыы-сыы болгаш хилинчек-човалаң, аарыг-аржык болгаш өлүм-чидим, чединмес чорук база бойдустуң халаптары болуп турар. Таанда ол бүгүнү биске ынак Бурган кылып кааны ол бе?

Харыызын билип алыксап тур сен бе? Делегейни кым чагырып турарының дугайында айтырыгга Библиядан харыы сени кайгадыптар чадавас!

Бо брошюрада сүмелер Библияга үндезилеттинген деп, эскерген боор сен. Иегованың Херечилери Библияда бүзүрелдиг удуртулга бердинген деп бүзүреп турар, чүге дээрге ол Бурганның аксындан үндүр тынган сөзү-дүр, ол алыс шынны өөредиринге, чазыгларны айтып, эдеринге ажыктыг (2 Тимофейге 3:16, 17). Бо бурунгу, ынчалза-даа амгы үеде ажыктыг номну шинчилээр деп шиитпирлеп алыр болзуңза, хараадавас сен!