KIFUNDWA 1
Leza Wapange Diulu ne Ntanda
Yehova Leza ye wētupangile. Wāpangile bintu byonso, byotumona ne byoketubwanyapo kumona. Kumeso kwa kupanga bintu byotumona, wāpangile bidi bamwikeulu bavulevule. Le uyukile mwikadile bamwikeulu? Bamwikeulu i bantu bobāpangile kudi Yehova bamwifwene. Ketubwanyapo kwibamona, monka moketubwaninyapo kumona Leza. Mwikeulu mubajinji obāpangile kudi Yehova wāikele ke wa kumukwasha. Uno mwikeulu wākweshe’ko Yehova pa kupanga ñenyenye, imbuo, ne bintu bikwabo byonso. Umbuo umo bidi, i ntanda, kifuko kyetu kilumbuluke pa kwikala.
Kupwa Yehova wāteakanya ntanda mwanda wa banyema ne bantu bekale’po. Wāpanga dyuba mwanda wa dimunike pa ntanda. Wāpanga ngulu, majiba, ne minonga.
Kupwa ke bika? Yehova wānena’mba: ‘Nsa kumeneja biyombo ne munamuna ne mityi.’ Bipa bivule bya miswelo mishileshile, munamuna, ne maluba byāshilula kumena. Ebiya Yehova wālonga banyema bonso—banyema batumbuka, basumba, balandala, ne bebulula. Wāpangile banyema batyebatye, kimfwa tululu, ne banyema bakatampe, kimfwa bapolo. Le i nyema’ka osenswe?
Kupwa Yehova wāsapwila mwikeulu mubajinji amba: “Tulonge muntu.” Bantu badi beshile na banyema. Badi babwanya kupunga mwana-mulume mubajinji? Tusa kumuyuka mu kifundwa kilonda’ko.
bintu, kunena, kusepa, ne kulombela. Badi ba kulama ntanda ne kulela banyema. Le uyukile“Ku ngalwilo Leza wāpangile madiulu ne ntanda.”—Ngalwilo 1:1