1 KAQ WILLAKÏ
Diosmi ciëluta y patsata rurarqan
Jehovä Diosqa kamakoq Teytantsikmi. Pëmi rurashqa llapan rikakoq y mana rikakoq cösaskunata. Puntataqa mëtsika angelkunataran kamarqan. Y, ¿pikunataq angelkunaqa kayan? Pëkunaqa Jehoväpa sirweqninkunam kayan, y pënömi kayan. Noqantsikqa manam ni Jehoväta ni angelkunata rikëta puëdintsiktsu. Jehovä puntata kamanqan angelqa imëkachömi yanaparqan. Pëmi estrëllakunata, planëtakunata y mas cösaskunata rurar yanaparqan. Noqantsikqa pëkuna kamayanqan planëtachömi tärantsik, tsë planëtaqa kë shumaq Patsam.
Tsëpitaqa, nunakunapaq y animalkunapaqmi Jehoväqa patsata alistarqan. Intitam (rupaytam) patsaman aktsitsimurqan. Jinamampis, jirkakunata, lamarta y mayukunatam rurarqan.
¿Y imataq tsëpitaqa pasarqan? Jehoväqa, “qorakunata, plantakunata y montikunata rurashaq” nirqanmi. Tsëmi tukïläya frütakuna, verdürakuna y wëtakuna jeqamur qallëkurqan. Jina Jehoväqa tukïläya animalkunatam rurarqan: volaq kaqkunata, nadaq kaqkunata y lätëpa pureq kaqkunata. Ukushnö ichisaq animalkunata y elefantinö jatusaq animalkunatam rurarqan. Y qamtaqa, ¿ima animaltaq mas gustashunki?
Tsëpitanam Jehoväqa puntata kamanqan angelta, “nunata rurashun” nirqan. Y animalkunapita jukläyatam nunakunataqa rurayarqan. Mushoq cösaskunata inventëta, parlëta, asikïta y Diosman mañakïta yachaqtam rurayarqan. Y patsata y animalkunata cuidayänantam Y pitataq puntata rurayarqan? Rikärishun.
munayarqan. ¿“Qallananchöqa, Diosqa kamarqan ciëluta y patsatam” (Genesis 1:1).