О Дэл Иегова, амаро создателё. Во стердя вся, со амэ диқас и со най. Май англал во создал фартэ бут анӷелонэн. Ту ӷанэс, ко када анӷелоря? Када лэ Иеговастирэ служителя. И анӷелоря фартэ шонпэ по Иегова. Амэ лэн на диқас кадя же, сар на диқас лэ Иеговас. О Иегова терэлас и черӷая, планеты и инке бут со. О само пэрво анӷело сас паша лэстэ и лэса терэлас кадэя дила. Ек анда планеты, савэ вонэ стердэ, када ԥув, амаро райкано цэр.

О Иегова стердя и ԥув кадя, кай пэр латэ тэ авэл вся важ и мануша и важ и животни. Во стердя, кай о қам тэ светий пэ ԥув. Во стердя и плая, и океаноря и лэна́.

Ай со инке? О Иегова ԥэндя: «Мэ стерава чар, цвиторя и витки». И пэ ԥув линэ тэ барён разни фрукты, овощи и цвиточкоря. Тоди о Иегова создал всаворэ животнонэн. Всаворэн, ко вурял, плавуий, прастэл и ползыий. Во создал цыкнорэ животнонэн, ԥэнаса, када ёжикоря. А инке во создал барэн животнонэн, ԥэнаса, када слоноря. Ай тути, ко чалёл?

Тоди о Иегова ԥэндя пэрвонэ анӷелости: «Стераса, кай тэ авэл мануш пэ ԥув». И мануша сас трэбуй тэ авэн най кацавэ, сар и животни. О Иегова камля, кай и мануша тэ ӷанэн тэ терэн варисо нэво, тэ дэн дума, тэ асан и тэ мангэнпэ. Кадяжэ тэ диқэн пала ԥув и пала животни. Ай ӷанэс, ко сас пэрво мануш? Уӷанаса пала када май дур.