FIANARAN̈A 1
Zan̈ahary Niasa Lan̈itry Ndreky Tany
Jehovah Zan̈ahary Pamoron̈o atsika. Izy niasa raha jiaby hita maso ndreky tsy hita. Talohanizy niasa raha hita maso, izy antsendriky niasa anjely maro. Hainao ma anjely zen̈y? Iro io niasainy Jehovah, sady tsy hita maso mira izy. Anjely voanalohany namboariny Zan̈ahary nanjary pan̈ampy izy. Anjely io nan̈ampy Jehovah taminizy niasa lakintan̈a, planety, ndreky raha hafa jiaby. Araiky amy planety aby io tany tsara ipitrahantsika ty.
Nikarakarainy Jehovah tsarabe tany, baka biby ndreky olo hipetraka eto. Izy niasa masoandra nampazava tany ty. Izy koa niasa bongo, ranomasin̈y, avio ten̈arano.
Nan̈ino koa Jehovah baka tio? Hoizy: ‘Andeha hasiako bozaka maitso ndreky raha maniry, baka io kakazo ambony tany.’ Ke nisy kakazo mamoa ndreky legimo, baka io folera parikarazany teto. Niasa karazan̈a biby maro koa Jehovah baka tio. Biby mitilin̈y, milomon̈o, mandady, baka io mikarakaraka. Tao biby madiniky, ohatra lapin, biby maventy be, ohatra elefan. Ino eky biby farany tianao?
Jehovah nivolan̈a taminy anjely araiky namboariny voanalohany in̈y: ‘Alo atsika hiasa olo.’ Olo tsy mira biby, fotony mahay miasa raha. Mahavita mivolan̈a, mimoehy, baka io mivavaka. Iro nirahiny nikarakara tany ndreky biby. Hainao azovy olo namboariny Jehovah voanalohany?
“Tamy voanalohany tan̈y, Zan̈ahary namoron̈o lan̈itry ndreky tany.”—Genesisy 1:1
Mety ho Tianao Koa
FAMPIANARAN̈A FOTOTRO AMY BAIBOLY
Ino ma Dikany Niasany Zan̈ahary Tany Ty?
Feno raha maro tsara tanintsika ty. Mety tsara elan̈elan̈a tany ndreky masoandra, pare tsara koa fitsikilan̈any, baka io mety tsara koa fiodikodin̈any. Ino nahavy Zan̈ahary nan̈ano raha jiaby zen̈y amy tany ty?
