Yekova Mbori nga Bakusirani. Ko nakusi ahe dunduko, gu ani abihe na gu ani abingo ho ya. Mbata fu ko mangi agu ahe ani abihe abi, ko akusi badungu amaraika. Ya mo mo ini ada nga amaraika? Amaraika nga agu aboro Yekova akusiyo du wakina ko. Ka ani bingo yo te, kina wai ani arengbanga ka bi Mbori ya. Gu bambata maraika Yekova akusi ni ada ni gako moundo. Gu maraika re aundo Yekova ti kusa akerekuru, na kura azegino na ahe. He sa dagba gu kura ahe re nga kpotosende, nga bawene kpurani.

Fuo gure, Yekova ki mbakadi kpotosende fu anya na aboro i raki rogoho. Ko akusi uru si hasi rago kurii kpotosende. Ko akusi abaagangara, abaime, na adi.

Ginihe namangi fuo gure? Yekova aya: ‘Mi nika kusa nvuo, na rukuruku ahe gbiati angua.’ Dungu ngbatunga zukuzuku ahe, akpepasio, na ambumbudo ki tona ka sona. Fuani, Yekova akusi anya dunduko—agura naguka ariyo, naguzo ime yo, na agura nagbe tira sande. Ko amangi rukutu ra wa andakuta, na kikindigi ra, wa ambarã. Gini nya ngba tiro gbe?

Fuani, Yekova aya fu bambata maraika wẽ: “Ani [kusi] boro.” Si adu nga aboro nika du kia ti anya. I nikaa mbakada ahe, ki du na gu rengba nga ka fura, ka moma, na ka kpara fu Mbori. Si adu nga i  nikaa ngerafuo kpotosende na anya. Mo ini da nangia bambata boro? Ani bingoho.