Yekova arũ ahe rogo gu ati rimoho angia Edene. Gu ati re aima hi be ambumbudo, angua, na anya. Fuani, Mbori akusi bambata kumba nangia Adamu rogo nvutu sende na ki ongo onga unga ku õko yo. Mo ini gupai namangi? Gu kumba re ada ni unga boro! Yekova amoi Adamu ko ni ngerekurii gu ati re, na ki ya fuko, ko yambu rimo anya dunduko.

Yekova afu nyanyakipa rugute fu Adamu. Ko aya fu Adamu: ‘Mo rengbe ka ri zuzu angua dunduko ono kpara kina ti gu kuraha sa. Ka mo ri gu zuzungua re, mo nika kpi.’

Kusa, Yekova aya: ‘Mi nika mbakada moundo fu Adamu.’ Ko asa Adamu ko ti ni bakere rame, na fuo gure Mbori ki mangisunge na ngazira ko ka kusa dee fuko. Rimori angia Eva. Adamu na Eva angia bambata aborokporo. Gini bipai Adamu adu na ni tipa diako? Adamu adu na bakere ngbarago na ki ya: ‘Mo bi  guhe Yekova nambakadihe rogo ngazira re yo! Ah! Gi boro re wakina re.’

Yekova aya fu Adamu na Eva i batika na ki hiisi kpotosende. Ko aaida i nimangisunge kina sa tipa ka sa kpotosende naabaha ni paradizo, watadu bawene ati ambumbudo, kina wai ati Edene adu. Ono apai aamanganga wai Mbori aaidaha te. Tipagine? Gu kapita ngbefuo gere nika yugopai furani ni bakerehe gbe.