Íiv tʼáá sáhí naagháago tłʼiish ábíłní: ‘Daʼ tʼáásh aaníí God kóní: Dáʼákʼehgi tsin naazkaadii tʼáadoo bąąhdóó ohsání?’ Íiv ádííniid: ‘Tsin tʼáá ałtso bąąhdóó iidą́ą doo. Ndi, tsin ałníiʼgi sikaadígíí bineestʼąʼ éí doo doohsı̨́įł da; háálá wooyą́ąʼgo éí dínóohnééł nihiʼdooʼniid.’ Tłʼiish ánáádooʼniid: ‘Doo yeeʼ dínóohnéeł da, éí wooyą́ą́ʼ bijı̨́ Diyin Godgi ánóhtʼée doo.’ Díí éí yoochʼííd átʼé. Íiv díí joosdląąd. Tsin bineestʼąʼ jinéłʼı̨́įgo bidáahjįʼ jizlı̨́ı̨́ʼ. Áádóó hahastiin ałdóʼ łaʼ baazhníʼą́ągo yiyííyą́ą́ʼ. Ádam éí hó dóó hweʼasdzą́ą́, God doo bikʼeh hojííłʼįįdgóó jidínóonéełgo hoł bééhózin, ákótʼée ndi tsin bineestʼąʼ jííyą́ą́ʼ.

Tʼáá éí bijı̨́, Jiihóvah éí Ádam dóó Íiv yichʼįʼ haadzííʼ: Haʼátʼíísh biniinaa doo shikʼeh hosoołʼįįd da? Íiv éí tłʼiish yikʼéházʼah. Ádam éí Íiv yikʼéházʼah. Áko Jiihóvah doo bikʼeh hojííłʼįįdígíí biniinaa dáʼákʼehdę́ę́ʼ chʼíhoníyood. Doo yah anízhdootʼashgóó, níłchʼigo ndaalʼaʼí áádóó diltłish kǫʼ bee dookʼą́ąłgo hachʼą́ą́h niinínil.

Jiihóvah ání, Íiv bizhnííʼaaʼígíí éí atíhodeeshłííł. Jiihóvah éí tłʼiish doo yádaałtiʼgo áyiilaa da. Ndi níłchʼigo naalʼaʼí doo yáʼáshóonii łaʼ tłʼiish yáyiiłtiʼ. Kótʼéego Íiv yiʼdeezloʼ. Díí níłchʼigo naalʼaʼí doo yáʼáshóonii éí Séítan the Devil woosyeʼ. Jiihóvah éí Séítan íidoołdįįł, áko diné doo yiʼooloh da doo.