Jun qʼij, are chi ri Eva kʼo utukel, jun kumatz xchʼaw rukʼ. Xutaʼ che: «¿La qastzij che ri Dios kuya ta chiwe kitij uwach nijun cheʼ?». Eva xubʼij che: «Kojkunik kqatij ronojel uwach cheʼ, xaq xiw jun kuya taj kqatijo. We kqatij uwach ri cheʼ riʼ, kojkamik». Ri kumatz xubʼij: «Kixkam taj. We kitijo, kixux junam rukʼ ri Dios». ¿La qastzij wariʼ? Qastzij taj. Are jun molom tzij, are kʼu ri Eva xukoj ri xbʼix che. Are chiʼ más kril ri uwach ri cheʼ, más kraj kutijo. Rumal laʼ xutijo, xuqujeʼ xuya che ri Adán. Areʼ retaʼm che kekamik we kkinimaj ta ri Dios, are kʼu xutijo.

Pa ri qʼij riʼ, Jehová xchʼaw rukʼ Adán xuqujeʼ Eva. Xutaʼ chke jasche xeniman taj. Eva xuqʼabʼaj chrij ri kumatz, ri Adán xuqʼabʼaj chrij ri Eva. Rumal che Adán xuqujeʼ ri Eva xeniman taj, Jehová xeresaj bʼi pa ri jeʼlalaj lugar che e kʼo wi. Xuqujeʼ, xeʼukoj ángeles xuqujeʼ jun espada che kʼo qʼaqʼ che rech kekun ta chik ketzalij chupam.

Jehová xubʼij che xuqujeʼ kukʼajisaj uwach ri ajmolom tzij che xchʼaw rukʼ Eva. Ri qastzij are che are ta ri kumatz ri xchʼaw rukʼ Eva. Jehová xeʼubʼan ta kumatz che kechʼawik. Are jun itzel ángel che xubʼano che ri kumatz xchʼawik. Kraj kusachisaj ri Eva. Ri ángel riʼ Satanás ubʼiʼ, ri Itzel. Pa ri petinaq, Jehová kusachisaj uwach ri Satanás. Jeʼ wariʼ keʼusachisaj ta chi ri winaq rech kkibʼan jastaq che utz taj.