PELAJAREN 4
Tangtangna Merawa Dungna Munuh
Kenca Adam ras Hawa ndarat bas taman Eden nari, lahir me anak-anakna. Anakna sintua gelarna Kain, dahinna ku juma, ras anakna si nomor dua Abil, dahinna permakan.
I bas sada wari, Kain ras Abil maba persembahen man Jahwe. Tehndu nge kai ertina persembahen? Persembahen ertina hadiah si istimewa. Meriah ukur Jahwe ngaloken persembahen Abil, tapi persembahen Kain itulakNa. Emaka nembeh ate Kain. Ipersingeti Jahwe Kain maka adi nembeh atena lalap banci ilakokenna kai si jahat. Tapi la ibegiken Kain.
Sada waktu nina Kain man Abil, ‘Ku juma tah.’ Sanga kalak e ngenca duana i juma, ipekpek Kain si Abil seh mate. Kai si ilakoken Jahwe? Iukum Jahwe me Kain alu mpelawes ia ras keluargana. Kain lanai banci mulih ku ingan e.
Kai pelajarenna man banta? Maun-maun banci nembeh ateta perban la bagi ukurta. Adi nggo mulai ateta nembeh ntah pe inasehati kalak perban kita nembeh, enda ertina arus sikuasai dirinta ope lenga reh kelekna.
Perban keleng ate Abil man Jahwe ilakokenna kai si benar, emaka inget Jahwe ia lalap. Pasti ipekeke Jahwe pagi Abil sanga ibanNa doni jadi pardis.
“Tadingkenlah lebe persembahenndu e jenari erdame ras ia. Kenca bage persembahkenlah persembahenndu e man Dibata.”—Matius 5:24
Mungkin Menarik Ka Kapndu
USIHLAH KINITEKEN KALAK ENDA
’Ngerana Denga Ia Aminna pe Ia Nggo Mate’
Kai si banci sipelajari kerna Abil ras kinitekenna amin gia sitik ngenca si ikataken kerna ia i bas Pustaka?
