ISIFUNDO 4
Intukuthelo Yamenza Umbulali
Ngemva kokuxoshwa kwabo ensimini yase-Edene, u-Adamu no-Eva baba nezingane eziningi. Indodana yabo yokuqala, uKhayini, yaba umlimi, indodana yabo yesibili, u-Abela, yaba umalusi wezimvu.
Ngolunye usuku, uKhayini no-Abela baletha iminikelo kuJehova. Uyazi ukuthi uyini umnikelo? Uyisipho esikhethekile. UJehova wawuthanda umnikelo ka-Abela, kodwa akawuthandanga okaKhayini. Lokho kwenza uKhayini wathukuthela kakhulu. UJehova waxwayisa uKhayini ngokuthi ukuthukuthela kungamenza enze into embi. Kodwa uKhayini akalalelanga.
Kunalokho, uKhayini wathi ku-Abela: ‘Asihambe siye ngaphandle komuzi.’ Lapho sebebodwa, uKhayini washaya umfowabo wambulala. UJehova wayezokwenzenjani? UJehova wajezisa uKhayini ngokumxosha emndenini wakubo. UKhayini wayengeke avunyelwe ukuba aphinde abuyele kubo.
Thina sifundani kule ndaba? Singase sithukuthele uma izinto zingenzeki ngendlela esiyithandayo. Lapho sibona ukuthi sesithukuthela kakhulu—noma uma abanye besikhuza ngokuthukuthela kwethu—ngokushesha kufanele sizibambe ukuze singalawulwa intukuthelo.
Ngenxa yokuthi u-Abela wayemthanda uJehova futhi enza izinto ezinhle, uJehova uyohlale emkhumbula. UNkulunkulu uyomvusa u-Abela lapho enza umhlaba ube ipharadesi.
“Okokuqala yenza ukuthula nomfowenu, bese uyabuya unikele isipho sakho.”—Mathewu 5:24
Okunye Ongase Ukuthande
UKUFUNDA NGEZITHOMBE
Yini Esingayifunda KuKhayini No-Abela?
Printa lo msebenzi, ufunde amavesi eBhayibheli bese ugcwalisa izikhala.
LINGISA UKHOLO LWABO
U-Abela
Singafunda kanjani ngo-Abela nokholo lwakhe njengoba kukuncane kangaka okushiwo eBhayibhelini ngaye?
AMAKHADI ABALINGISWA ABASEBHAYIBHELINI
Ikhadi LeBhayibheli Lika-Abela
Yini u-Abela ayenza ukuze amukeleke kuNkulunkulu? Printa leli khadi leBhayibheli ufunde okwengeziwe ngaye.
