NIKASEMƆ 5
Noa Adeka Lɛ
Afii komɛi asɛɛ lɛ, mɛi ayi bafa yɛ shikpɔŋ lɛ nɔ. Shi amɛteŋ mɛi pii efeee ekpakpa. Ŋwɛibɔfoi lɛ ekomɛi po bɔi nibii fɔji feemɔ. Amɛshi ŋwɛi ni amɛba shikpɔŋ lɛ nɔ. Ani ole nɔ hewɔ ni amɛfee nakai? Amɛfee nakai koni amɛnyɛ amɛtsɔmɔ amɛhe gbɔmɛi ni amɛkɛ yei abote gbalashihilɛ mli.
Ŋwɛibɔfoi lɛ kɛ yei lɛ fɔ bihii. Gbekɛbii nɛɛ badara ni amɛbatsɔmɔ hii ni he wala waa. Amɛyi mɛi ni amɛpila mɛi. Nibii gbohii ni amɛfee lɛ hewɔ lɛ, Yehowa kpɛ eyiŋ akɛ ekɛ nu afua baakpãtã mɛi fɔji lɛ fɛɛ ahiɛ.
Shi nuu ko yɛ amɛteŋ ni efeee nibii gbohii. Atsɛɔ lɛ Noa, ni esumɔɔ Yehowa. Noa yɛ ŋa kɛ bihii etɛ. Atsɛɔ ebihii lɛ Shem, Ham, kɛ Yafet. Amɛteŋ mɔ fɛɛ mɔ yɛ ŋa kome. Yehowa hã Noa fee adeka agbo ko, koni kɛ́ Nu Afua lɛ ba lɛ, amɛkagboi. Yehowa kɛɛ Noa ni ekɛ kooloi babaoo awo adeka lɛ mli, koni amɛ hu amɛkagboi yɛ Nu Afua lɛ mli.
Noa bɔi adeka lɛ kpɛɛ amrɔ nɔŋŋ. Noa kɛ eweku lɛ kɛ aaafee afii 50 ni kpɛ adeka lɛ. Bɔ ni Yehowa kɛɛ amɛkpɛ adeka lɛ, nakai pɛpɛɛpɛ amɛfee lɛ. Be ni Noa kpɛɔ adeka lɛ, ebɔ mɛi kɔkɔ akɛ Nu Afua ko miiba. Shi mɔ ko mɔ ko booo lɛ toi.
Be bashɛ ni Noa kɛ eweku lɛ bote adeka lɛ mli. Hã wɔkwɛ nɔ ni ba.
“Bɔ ni Noa gbii lɛ fee lɛ, nakai nɔŋŋ be ni gbɔmɔ Bi lɛ eba lɛ hu baatamɔ.”—Mateo 24:37
Ekolɛ Obaasumɔ Enɛ Hu
BIBLIA MLI MƐI AHE SAJI
Noa He Sane
Ani ole Noa bihii etɛ lɛ agbɛ́i? Kanemɔ koni ole Noa kɛ eweku lɛ he anɔkwa saji krokomɛi.
BIBLIA MLI SAJI AHE MFONIRII
Noa Ná Hemɔkɛyeli Yɛ Nyɔŋmɔ Mli
Nyɔŋmɔ fã Noa koni ekpɛ adeka kɛbaa lɛ kɛ eweku lɛ yi kɛje Nu Afua ni ba lɛ mli. Mɛni Noa kɛ Nu Afua sane lɛ baanyɛ atsɔɔ bo yɛ hemɔkɛyeli ni esa akɛ aná yɛ Nyɔŋmɔ mli lɛ he?
VIDIOI
Noa
Noa jie hemɔkɛyeli kpele kpo yɛ jeŋ ni yiwalɛ eyi mli obɔ ni yɔɔ dani Nu Afua lɛ ba lɛ mli. Enɛ ji nɔkwɛmɔnɔ kɛhã wɔ. Obaana bɔ ni wɔ fɛɛ wɔnáa enifeemɔi lɛ ahe sɛɛ ŋmɛnɛ.
