GĨCUNJĨ GĨA 5
Thabina ya Nuhu
Thutha wa ihinda, nĩ kwagĩire andũ aingĩ mũno thĩinĩ wa thĩ. Aingĩ ao maarĩ oru. O na araika amwe nĩ maatuĩkire ciũmbe njũru. Moimire igũrũ kũrĩa maatũũraga magĩũka gũkũ thĩ. Nĩ ũĩ nĩ kĩĩ gĩatũmire meke ũguo? Meekire ũguo nĩguo megarũre matuĩke andũ na mahikanie.
Araika acio nĩ maagĩire ciana na atumia arĩa maahikirie. Ciana iria maaciarire ciarĩ na hinya mũno na cianeneha nĩ ciambĩrĩirie gwĩkaga andũ arĩa angĩ maũndũ moru nginya kũmahũũra. Jehova ndangĩetĩkĩririe maũndũ macio mathiĩ na mbere. Kwoguo agĩtua itua rĩa kũniina andũ acio oru na mũiyũro wa maĩ.
No nĩ kwarĩ na mũndũ ũmwe warĩ ngũrani. Eetagwo Nuhu na nĩ eendete Jehova mũno. Aarĩ na mũtumia na ciana ithatũ; nĩcio Shemu, Hamu, na Jafethu na ciothe ciarĩ na atumia. Jehova nĩ eerire Nuhu ake thabina nene nĩguo ahonokie famĩlĩ yake ndĩkaniinwo nĩ Mũiyũro. Thabina nĩ gĩthandũkũ kĩnene kĩngĩrera maĩ-inĩ. Ningĩ Jehova nĩ eerire Nuhu aingĩrie nyamũ thĩinĩ wa thabina nĩguo o nacio itikaninwo.
Nuhu aambĩrĩirie gwaka thabina ĩyo o hĩndĩ ĩyo. Maamĩakire kwa ihinda ta rĩa mĩaka 50 ũguo marĩ na famĩlĩ yake. Maakire thabina ĩyo o ta ũrĩa Jehova aamerĩte. Hĩndĩ ĩyo Nuhu nĩ aaheaga andũ mũkaana wĩgiĩ Mũiyũro, no gũtirĩ mũndũ wamũthikagĩrĩria.
Thutha ũcio, ihinda rĩa kũingĩra thabina nĩ rĩakinyire. Reke tuone gwacokire gũgĩthiĩ atĩa.
“O ta ũrĩa matukũ ma Nuhu maatariĩ, noguo gũkaahana hĩndĩ ya gũkorũo kuo kwa Mũrũ wa mũndũ.”—Mathayo 24:37
Icunjĩ Ingĩ Hihi Ũngĩenda Gũthoma
KANDI CIA BIBILIA
Kandi ya Bibilia ya Nuhu
Hii nĩũĩ marĩĩtwa na ciana cia Nuhu? Menya makĩria ũhoro wa Nuhu na famĩlĩ yake.
TŨTUNI TWA NGʼANO CIA BIBILIA
Nuhu Aarĩ na Wĩtĩkio Harĩ Ngai
Nuhu nĩ aakire thabina agĩtongorio nĩ Ngai nĩguo ahonokie famĩlĩ yake kuumana na mũiyũro. Ũngĩĩruta atĩa ũhoro-inĩ wĩgiĩ wĩtĩkio harĩ Ngai kuumana na rũgano rwa Nuhu na mũiyũro?
VIDEO
Nuhu
Thĩinĩ wa thĩ yaiyũrĩtwo nĩ ũhinya mbere ya Mũiyũro-rĩ, Nuhu aatuĩkire kĩonereria kĩega kĩa wĩtĩkio mũrũmu. Wĩrorere ũrĩa ciĩko ciake citũgunaga ithuothe ũmũthĩ.
