5 KAQ YACHACHIKUY
Hatu-hatun buqueta Noey ruwasqanmanta
Watakunapa risqanman hinam achka runakunaña allpa pachapi karqa. Ichaqa yaqa lliwmi mana allin runakuna karqaku. Wakin angelkunapas Diosta mana kasukuspankum kay pachaman hamururqaku, ¿imapaq? Aychayuq tulluyuq rikuriruspanku warmikunawan casarakunankupaqmi.
Chaymi angelkunapa churinta warmikuna wachakururqaku. Chay churinkunam hatunkaray runakuna karqaku, hinaspapas runakunatam ñakarichiqku. Chaymi Jehova Diosqa tantearurqa nisyullay-nisyu parawan paykunata chaynataq mana allin runakunatapas chinkachinanpaq.
Ichaqa Noey sutiyuq runam tukuy sunqunwan Diosta kuyarqa. Payqa warmiyuq hinaspa kimsa churiyuqmi karqa. Churinkunapa sutinmi: Sem, Cam hinaspa Jafet, paykunapas warmiyuqmi karqaku. Jehova Diosmi Noeyta kamachirqa hatu-hatun buqueta ruwananpaq, chaynapi ayllunwan nisyullay-nisyu parapi mana wañunankupaq. Nirqataqmi animalkunatapas buqueman yaykuchinanpaq.
Chaymi Noeyqa chaylla kasukuspan ayllunpiwan 50 watapi hatu-hatun buqueta ruwarqa. Diospa kamachisqanman hinamá ruwarqaku. Chaymantapas, nisyullay-nisyu para chayamunanmantam lliw runakunaman willakurqa, ichaqa manam pipas kasukurqakuchu.
Buqueman yaykurusqanku qipata, ¿imam karurqa? ¿Yachayta munawaqchu?
“Imaynam Noeypa punchawninkuna karqa, chaynam kanqa runapa churin chayaramuspa kaypi kaptinpas” (Mateo 24:37).
Kaykunatapas leeykuy
BIBLIAPI RUNAKUNAMANTA YACHANAYKIPAQ
Bibliapi runakuna: Noey
¿Yachankichu Noeypa kimsa churinkunapa suntinta? Kaypim astawan yachanki Noeymanta hinaspa ayllunmanta.
VIDEOKUNA
Noeyqa Diospa agradonpaqmi kawsarqa
Mana allin runakunapa chawpinpim Noeyqa iñiyniyuq kasqanta qawachirqa. Qawasun imaynatam kunanpas ñuqanchikta yanapawanchik paymanta yachayninchik.
