FIANARAN̈A 5
Sambofiarany Noa
Nahaimaro fo olo tambony tany. Maro koa olo ratsy fan̈ahy. Nisy anjely sasany koa tandan̈itry tan̈y nan̈ano raha ratsy. Iro niala tandan̈itry tan̈y, ke nijotso tambony tany. Hainao nan̈ino ma iro niala tan̈y? Iro tihanambady man̈angy, ke niova olo.
Anjely ndreky man̈angy aby io niteraka lelahy. Zanakandro koa fa be, nivadiky fatatra be ndreky kafiry mare. Mampijaly olo fo asandro. Tsy tiany Jehovah raha nataondro io, ke izy nivolan̈a fa hivoneny amy safodrano iro olo ratsy fan̈ahy aby io.
Nisy lelahy zay tsy karaha iro io. Izy tia Jehovah. Noa an̈arany. Izy nisy vady, telo zanakandro: Sema, Hama, Jafeta. Iro io samy nanambady. Jehovah nan̈iraka Noa niasa sambo maventy be, mira valizy be mety miefon̈o an̈abony rano in̈y. Lera Safodrano avy, iro koa miditry an̈aty sambo ao tsy hofoaty. Jehovah nan̈iraka Noa nampiditry biby maro tan̈aty sambo io, baka iro io tsy hofoaty koa.
Noa direkty nan̈amboatra sambo io edy. Nahadin̈y 50 taon̈o izy ndreky vadiny, baka io zanany aby io niasa izio. Narehandro raha jiaby nivolan̈iny Jehovah tamindro. Noa koa nan̈ambara taminolo fa ho hisy Safodrano. Fa iro tsy nijery.
Niditry tan̈aty sambo tao ry Noa. Ino eky raha nandalo?
‘Mira taminandrany Noa in̈y, karaha zen̈y koa fan̈atrehany Zanakolo.’ —Matio 24:37
Mety ho Tianao Koa
TANTARA NATAO SARY
Noa Nino Zan̈ahary
Noa nan̈araka tari-dalan̈a baka tamy Zan̈ahary ke niasa sambofiara baka fianakavian̈anany ho avotro tamy Safodrano. Anao koa fa mamaky momba tantaran’i Noa ndreky Safodrano, ino raha ianaranao momba finoan̈a Zan̈ahary?
VIDEO
Noa: Dia Araiky Tamy Zan̈ahary
Tamy Safodrano mbala tsendriky navy, Noa ten̈a tsy nivadiky tamy Zan̈ahary, fotony fatatra finoan̈anany. Zahava fa ten̈a mahatsara atsika aminandra izioty raha nataony zen̈y.
