GĨCUNJĨ GĨA 6
No Andũ Anana Maahonokire Mũiyũro
Nuhu na famĩlĩ yake, o hamwe na nyamũ nĩ maaingĩrire thĩinĩ wa thabina. Jehova aacokire akĩhinga mũrango wa thabina na gũkĩambĩrĩria kuura. Kwoirire mbura nene mũno nginya thabina ĩkĩambĩrĩria kũrera. Thutha wa ihinda, thĩ yothe nĩ yaiyũrire maĩ. Andũ arĩa othe maarĩ oru nĩ maakuire, no Nuhu na famĩlĩ yake nĩ maahonokire. Ta hũũra mbica gĩkeno kĩrĩa maarĩ nakĩo tondũ wa gwathĩkĩra Jehova!
Mbura yoirire thikũ 40 ũtukũ na mũthenya, ĩgĩcoka ĩgĩkĩa. Maĩ maathire makĩhũaga o kahora na thutha ũcio thabina ĩkĩrũgama irĩma-inĩ. No tondũ ti kũndũ guothe kwahũĩte maĩ, Nuhu na famĩlĩ yake matingĩoimire thĩinĩ wa thabina na ihenya.
Maĩ maathire mahũĩte biũ o kahora. Nuhu na famĩlĩ yake maaikarire thĩinĩ wa thabina makĩria ma mwaka ũmwe. Jehova aacokire akĩmeera moime thabina, na hĩndĩ ĩyo thĩ yarĩ therie tondũ andũ arĩa aganu nĩ maninĩtwo. Nĩ maakenire mũno nĩ ũndũ wa kũhonokio, na makĩrutĩra Jehova igongona nĩguo monanie ngatho ciao.
Jehova nĩ aakenirio mũno nĩ igongona rĩu. Nĩ eeranĩire atĩ gũtirĩ hĩndĩ ĩngĩ akaanina indo ciothe thĩinĩ wa thĩ na maĩ. Jehova nĩ onanirie mũkũnga-mbura riita rĩa mbere hĩndĩ ĩyo ĩrĩ njĩra ya kuonania ndageka ũguo rĩngĩ. Nĩ ũrĩ wona mũkũnga-mbura?
Jehova aacokire akĩra Nuhu na famĩlĩ yake maciarane na maiyũrie thĩ.
“Nuhu aaingĩrire thabina, na [andũ] matiatindanĩire nginya rĩrĩa Mũiyũro wokire na ũkĩmaniina othe.”—Mathayo 24:38, 39
Icunjĩ Ingĩ Hihi Ũngĩenda Gũthoma
WĨGEREKANIE NA WĨTĨKIO WAO
Aarĩ “Mũthiritũ wa Ngai”
Nuhu aacemanirie na moritũ marĩkũ akĩrera ciana ciake? We na famĩlĩ yake monanirie wĩtĩkio na njĩra ĩrĩkũ rĩrĩa maakire thabina?
KANDI CIA BIBILIA
Kandi ya Bibilia ya Nuhu
Hii nĩũĩ marĩĩtwa na ciana cia Nuhu? Menya makĩria ũhoro wa Nuhu na famĩlĩ yake.
