Nowa nu lupwa lwakwe, alino ni inyama, iingile umu ciwato. Lino Yeova wayazileko icisaasa, imvula yatandike ukutoonya. Imvula yatoonyizye sana icakuti ciwato catandike nu kweleela. Lino papisile insita, manzi yakumine insi yonsi. Antu yonsi aipe aatali umu ciwato, yaafwile. Lelo Nowa nu lupwa lwakwe yaali acingililwe umu ciwato. Uzye ungelenganya insansa zino yakweti pa mulandu wa kuti yuvwiilile Yeova?

Imvula yatoonyizye pa manda 40 umusanya nu usiku. Pa cisila cakuti imvula yaputuka, amanzi yatandike kukama panono panono. Lyene iciwato caile icikala pa myamba. Nomba pa nsita iya ala umu nsi mucili manzi, fwandi Nowa nu lupwa lwakwe yataafumile umu ciwato lilyo kwene.

Amanzi yasusile iyakama yonsi. Nowa pamwi nu lupwa lwakwe, iikazile umu ciwato kucila pa mwaka onga. Lyene lino Yeova wayanenyile ukuti yafume umu ciwato, cali kwati iingila umu nsi ipya. Yaatemilwe sana pali vino Yeova wayapuswisye, fwandi yamupeezile ilambo.

Yeova wapokelile ilambo lino yapeezile. Walavile ukuti atalatala aonone icintu icili consi pano nsi, ukuomvya mulamba. Wisile umulalamfuti mwi yulu pa kulangilila vino wapangine nayo. Uzye walolapo umulalamfuti?

Lyene Yeova wayanenyile ukuti yakwate ana yazuzye insi.