Nóah, bighandóó, índa naaldlooshii éí ark biih jookai. Éí bikéédóó Jiihóvah tʼáá bí ark bidáádílkał déiʼdinítą́, áádóó ahoʼniiłtą́. Ląʼí nahóółtą́ągo ark yę́ę dah diiʼéél. Nahasdzáán yę́ę ałtso tó bił diilkǫʼ. Diné ark tʼáadoo yiih yíkai yę́ę tó ałtso ábísdįįd. Ákondi Nóah, bighandóóígíí yisdáákai. Jiihóvah bikʼeh dahojííłʼįįdígíí yéigo baa ahééh dazhniizı̨́ı̨́ʼ.

Dízdiin jı̨́ dóó dízdiin tłééʼ nahałtin, áadi índa ahóółtą́. Tʼáá hazhóʼógo tó yaa nídínéesʼąąd. Áádóó ark yę́ę dził bighą́ąʼgi dah názʼéél. Ákondi tó tʼahdii ląʼí, áko ark biiʼdóó chʼízhdookahígíí doo há dabíighah da.

Tʼáá hazhóʼógo tó yaa nídínéesʼąąd. Tʼááłáʼí nááhaidóó biʼáán ark biiʼ nijíiztą́. Áadi índa Jiihóvah ark biiʼdę́ę́ʼ chʼínóhkááh hodííniid. Kéyah ániidíii bikáaʼjįʼ éí tʼáá ájíłtso Jiihóvah yisdá hóonilígíí biniinaa bichʼįʼ ahééh dazhniizı̨́įʼgo, bichʼįʼ náádaʼjiisʼniiʼ.

Jiihóvah bichʼįʼ náádaʼjiisʼniiʼígíí yaa bił hóózhǫǫd. Ání, doo éí kótʼéego nahasdzáán bikáaʼgi naaldeehii tó bee ánáádeeshdįįł da. Bééhániih biniyé náátsʼíílid yá biyiʼ niiníłdéél. Náátsʼíílidísh łaʼ yiniłtsą́?

Áádóó Jiihóvah éí Nóah dóó baʼáłchíní nihaʼáłchíní hooleełgo nahasdzáán bikááʼ kʼeeʼąą nootʼı̨́įł doo yidííniid.