MUTU 6
Anthu 8 Anapulumuka
Nowa ndi banja lake analowa m’chingalawa limodzi ndi nyama. Yehova anatseka chitseko ndipo mvula inayamba kugwa. Inali yambiri moti chingalawa chija chinayamba kuyandama. Kenako madzi anamiza nthaka yonse. Anthu oipa onse amene sanali m’chingalawacho anafa. Koma Nowa ndi banja lake anapulumuka. Iwo ayenera kuti anasangalala kwambiri podziwa kuti anamvera Yehova.
Mvulayo inagwa kwa masiku 40, masana ndi usiku. Kenako inasiya ndipo madzi anayamba kuphwera. Ndiyeno chingalawacho chinaima paphiri. Koma padzikoli panali padakali madzi ambiri choncho Nowa ndi banja lakelo anakhalabe m’chingalawacho.
Madziwo ankaphwera pang’onopang’ono. Nowa ndi banja lakelo anakhala m’chingalawacho nthawi yoposa chaka. Kenako Yehova anawauza kuti atuluke ndipo zinali ngati akulowa m’dziko latsopano. Iwo anathokoza kwambiri Yehova chifukwa chowapulumutsa moti anapereka nsembe.
Yehova anasangalala kwambiri ndi nsembeyo. Iye analonjeza kuti sadzagwiritsanso ntchito chigumula powononga zinthu padzikoli. Potsimikizira zimenezi, anachititsa kuti kumwamba kuoneke utawaleza. Kodi iweyo unauonapo utawaleza?
Kenako Yehova anauza Nowa ndi banja lake kuti akhale ndi ana n’kudzaza dziko lapansi.
“Nowa analowa m’chingalawa. Anthu ananyalanyaza zimene zinali kuchitika mpaka chigumula chinafika n’kuwaseseratu onsewo.”—Mateyu 24:38, 39
Mwina Mungakondenso Kudziwa Izi
ZITHUNZI
Kodi Tingaphunzire Chiyani kwa Nowa?
Koperani kapena sindikizani chithunzichi ndipo onani mmene mungatsanzirire chitsanzo cha Nowa pa nkhani yomvera.
TSANZIRANI CHIKHULUPIRIRO CHAWO
Nowa—“Anayenda Ndi Mulungu Woona”
Kodi Nowa ndi mkazi wake anakumana ndi mavuto otani polera ana awo? Kodi anasonyeza bwanji kuti anali ndi chikhulupiriro pomanga chingalawa?
MAKADI A ANTHU OTCHULIDWA M’BAIBULO
Khadi la M’Baibulo Lonena za Nowa
Kodi mukudziwa mayina atatu a ana a Nowa? Dziwani zambiri zokhudza Nowa ndi banja lake.
