6 KAQ YACHACHIKUY
Pusaq runallamanta mirasqanchik
Noey ayllunwan hinaspa animalkunawan hatu-hatun buqueman yaykuruptinkum Diosqa buquepa punkunta wichqarurqa. Hinaptinmi parapas qallakuykuspan kay allpa pachatapas taparurqaraq, buquepas huqarikururqam. Chaynapim mana allin runakunapas wañururqaku, Noeywan ayllunmi ichaqa mana wañurqakuchu. Chayna kasukusqankuwanqa, ¡maynatachá kusikurqaku!
40 punchawmantam paraqa chayraq usyarurqa. Yakupas as-asmantam chayraq chakiyta qallaykurqa, chaymi hatun buquepas urqupa puntanpi takyarurqa. Ichaqa yaku hinallaraq kasqanraykum Noeywan ayllunqa manaraq lluqsiyta atirqakuchu.
Chaymi huk wata masnin yaku chakinankama Noeyqa aylluntin buquepi hinalla karqaku. Chaymantañam Dios kamachiptin lluqsispanku manaña mana allin runakunataqa rikurqakuñachu. Chayraykum kusisqa tarikuspanku Jehova Diospaq animalkunata kañapurqaku.
Chay kañapusqanku allin kaptinmi Jehova Diosqa nirqa: “Manañam runakunataqa kayna parawanqa chinkachisaqñachu”, nispa. Chayta runakuna mana qunqanankupaqmi chirapata rikurirachirqa. Qamqa, ¿haykallapipas rikurqankichu chirapata?
Chaymantapas, Jehova Diosqa Noeytam kamachirqa churi-wawayuq kaspanku allpa pachaman huntanankupaq.
‘Noey buqueman yaykunan punchawkamam runakunaqa mana kasukurqakuchu sinchi para chayaramuspa llapallanta chinkarachinankama’ (Mateo 24:38, 39).
Kaykunatapas leeykuy
IÑIYNINKUTA QATIPAKUNAPAQ
Noey: ‘Diospa agradonpaqmi kawsarqa’
¿Ima sasachakuytam atiparqaku Noeywan señoran warmankuta sumaqta uywanankupaq? ¿Imayna iñiyniyoq kasqantataq qawachirqa arca ruwasqankuwan?
BIBLIAPI RUNAKUNAMANTA YACHANAYKIPAQ
Bibliapi runakuna: Noey
¿Yachankichu Noeypa kimsa churinkunapa suntinta? Kaypim astawan yachanki Noeymanta hinaspa ayllunmanta.
