SOMO LA 6
Watu Nane Waliokoka na Kuingia Katika Ulimwengu Mpya
Noa, familia yake, na wanyama waliingia ndani ya safina. Kisha, Yehova aliufunga mlango na mvua akaanza kunyesha. Mvua hiyo ilikuwa nyingi sana hivi kwamba safina ilianza kuelea. Hatimaye, dunia yote ikajaa maji. Watu wote wabaya waliokuwa nje ya safina walikufa. Lakini Noa na familia yake walikuwa salama ndani ya safina. Je, unaweza kuwazia jinsi walivyokuwa na furaha kwa sababu walimtii Yehova?
Mvua ilinyesha kwa siku 40 mchana na usiku, kisha ikaacha. Pole kwa pole maji yakaanza kupungua. Mwishowe, safina akatua juu ya milima. Hata hivyo, kulikuwa na maji mengi katika maeneo yote, kwa hiyo Noa na familia yake hawakuweza kutoka nje ya safina.
Hatua kwa hatua, maji yalikauka. Noa na familia yake walikaa ndani ya safina kwa zaidi ya mwaka mmoja. Kisha, Yehova aliwaambia watoke ndani ya safina na kuingia katika ulimwengu ulionekana mpya. Walimshukuru sana Yehova kwa kuwaokoa na walifanya hivyo kwa kumtolea dhabihu.
Yehova alifurahishwa na dhabihu yao. Naye aliahidi kwamba hataharibu tena vitu vyote katika dunia kwa gharika. Ili kuthibitisha ahadi yake, alifanya upinde wa mvua uonekane angani kwa mara ya kwanza. Je, umewahi kuuona upinde wa mvua?
Baadaye, Yehova alimwambia Noa na familia yake wazae watoto na kuijaza dunia.
“Noa aliingia ndani ya safina; nao [watu] hawakujali mpaka Gharika ikaja na kuwafagilia mbali wote.”—Mathayo 24:38, 39
Huenda Ukapenda Pia
MAZOEZI YA PICHA
Tunajifunza Nini Kutoka kwa Noa?
Pakua au uchapishe mazoezi haya uone jinsi unavyoweza kuiga mfano wa Noa wa kutii.
IGENI IMANI YAO
Noa—“Alitembea Pamoja na Mungu wa Kweli”
Noa na mke wake walikabili matatizo gani katika kuwalea watoto wao? Walionyeshaje imani kwa kujenga safina?
KADI ZA WAHUSIKA KATIKA BIBLIA
Kadi ya Biblia ya Noa
Je, unayajua majina ya wana watatu wa Noa? Pata kujua mengi zaidi kuhusu Noa na familia yake.
