Noaxe, muṱa wawe na zwipuka vho dzhena gungwani. Yehova o vala muṋango nahone mvula ya thoma u na. Yo na vhukuma lwe gungwa ḽa thoma u papamala. Mafheleloni, shango ḽoṱhe ḽa ḓala maḓi. Vhathu vhavhi vhoṱhe vhe vha si dzhene gungwani vho fa. Fhedzi Noaxe na muṱa wawe vho vha vho tsireledzea nga ngomu. Edzani u humbula uri vha nga vha vho vha vho takala lungafhani uri vho thetshelesa Yehova!

Mvula yo na maḓuvha a 40 na vhusiku ha 40 nahone ya mbo ḓi tsha. Maḓi a thoma u xa nga zwiṱuku nga zwiṱuku. Nga murahu, gungwa ḽa dzula kha dzithavha. Fhedzi ho vha hu kha ḓi vha na maḓi fhethu hoṱhe, nga zwenezwo, Noaxe na muṱa wawe a vho ngo kona u bvela nnḓa nga tshenetsho tshifhinga.

Maḓi a thoma u oma nga zwiṱuku nga zwiṱuku. Noaxe na muṱa wawe vho dzula gungwani lu fhiraho ṅwaha. Nga murahu, Yehova a vha vhudza uri vha bve gungwani vha ye shangoni ḽe ḽa vha ḽi tshi vhonala u nga ndi ḽiswa. Vho livhuha vhukuma uri Yehova o vha tshidza nahone vha zwi sumbedza nga u itela Yehova tshiṱhavhelo.

Yehova o takalela tshenetsho tshiṱhavhelo. O fulufhedzisa uri a nga si tsha dovha a fhelisa naho tshi tshini kha ḽifhasi nga maḓi mahulu. U itela u khwaṱhisedza fulufhedziso ḽawe, o ita uri hu vhonale musengavhadzimu lutomboni. Naa no no vhuya na vhona musengavhadzimu?

Nga murahu, Yehova o vhudza Noaxe na muṱa wawe uri vha bebe vhana nahone vha ḓadze shango.