Éyoñ ndône mendim é maneya, bone be Noé be nga biaé abui bon. Menda me bôte map me nga taté na ma nen, ane be nga taté na ba jalé si ane nkômbane Yéhôva ô mbe.

Ve menda me bôte mese me nji be me bo’o Yéhôva mewôk. Bôt béziñ be nga taté na ba jô na: ‘Enlôñané tison, a tabe été. Bia zu lôñe ayabe nda akekui yôp. Nalé é bo na, abui bôt é yeme bia.’

 Yéhôva ve zu wô’ô jam ôlun, nde a nga tyi’i na, a zu telé ésaé éte. Ye wo yeme jôm a nga bo? A nga tyendé minkobô miap atemetem. Mbôle be nji be ngule ya beta wô’ane minkobô, be nga telé ésaé melôñ. Nde be nga taté na ba loone tison ete na Babel, nalé a tinane na “Jo’ojo’o.” Bôte ve taté na ba kôlô tison ete, a mane yiane si ése. Ve be nga ke ôsu a bo mbia be mam bevôme be nga ke ba tabe. Nsili ô ne na, ye bôt béziñ be nga ke fo’o ôsu a nye’e Yéhôva? Kabetôlô a tôñe valé a zu ve éyalane ya nsili ôte.