LESON 7
Gwo gwo bilding Babèl la
Apre delij la, pitit gason Noye yo ak madanm yo te fè anpil pitit. Te vin gen anpil moun nan fanmi yo e yo te kòmanse gaye toupatou sou tè a jan Jewova te di pou yo fè a.
Men, gen kèk nan fanmi sa yo ki pa t obeyi Jewova. Yo te di: ‘Annou fè yon vil e annou rete la. N ap bati yon gwo gwo bilding ki wo anpil, tèt li ap rive jis nan syèl la. Lè sa a, tout moun ap vin konnen nou.’
Jewova pa t dakò ak sa moun sa yo t ap fè a, se sa k fè li te vle fè yo kanpe travay yo a. Èske w konn ki jan li te fè sa? Bridsoukou, li te fè yo pale lang ki diferan. Piske youn pa t ka konprann lòt, yo te kanpe travay la. Se poutèt sa, yo te vin rele vil yo t ap fè a Babèl, sa ki vle di “Konfizyon”. Moun yo te kòmanse deplase al viv toupatou sou tè a. Men, yo te kontinye fè sa ki mal kote yo t al rete yo. Èske te gen moun ki te toujou renmen Jewova? Nou pral wè sa nan chapit ki vin apre a.
“Nenpòt moun ki mete tèt li byen wo, y ap rabese l, e nenpòt moun ki rabese tèt li, y ap leve l met byen wo.” — Lik 18:14.
Lòt sijè ki enteresan
TOUDEGAD
Èske lang nou pale yo te vin egziste lè yo t ap fè “Tou Babèl” la?
Ki sa Tou Babèl la ye? ki kote lang moun pale yo soti toutbonvre?
