LEKSION 7
Ti Torre ti Babel
Kalpasan ti Layus, naaddaan dagiti annak ni Noe iti adu nga annak. Dimmakkel ti pamiliada ket nagyanda iti nagduduma a lugar, kas iti imbilin ni Jehova kadakuada.
Ngem adda dagiti pamilia a saan a nagtulnog ken Jehova. Kinunada: ‘Mangaramidtayo iti siudad a pagyanantayo. Mangaramidtayo iti nakangatngato a torre a dumanon idiay langit, ket agbalintayto a sikat.’
Nalidayan ni Jehova iti ar-aramidenda, isu a pinasardengna ida. Ammom no kasano? Pinagdudumana ti lengguaheda. Gapu ta saandan nga agkikinnaawatan, insardengda ti panagaramidda iti torre. Ti siudad nga inaramidda ket naawagan iti Babel, a “Pannakariribuk” ti kaipapananna. Pimmanaw dagiti tattao ket nagyanda iti nagduduma a lugar. Ngem intultuloyda latta dagiti dakes nga aramidda. Adda pay ngata idi mangay-ayat ken Jehova? Maammuanta iti“Asinoman a mangitan-ok iti bagina, maibabainto, ngem asinoman a mangipababa iti bagina, maitan-okto.”—Lucas 18:14