Mɛɛ Mɛŋma Koŋgi Bɛnduaŋ ma hiou, mi puaa Nuuwa wa a laandaa ndaa vialu chuauwa tau. Mi yuŋgula ndalaŋ la chɔɔlu kui, okoŋ ma tiu ba o ba fee o chieeŋndo choo a mɛɛ Chɛhowa ndoo dimul nda le tosaa yɛ.

Kɛ waŋnda apum o yuŋgula ndalaŋ niŋ tui Chɛhowa diom te. Ma dimi aa: ‘La ŋ taŋguluŋ chiee bɛndoo, miŋ waŋnuŋ naŋ. Ŋ cho chiɛi bɛndu bɛndoo taŋgul, mbo fuuluu choo choo di. Okoŋ, miŋ fula tɔɔ.’

 Chɛhowa ndoo niŋ kɔl a nyɛ waŋnda haa wa tosaa wo le. Le hei, mbo kɛɛsiaa le nda kuunaa. A sina mɛɛ o looku ndi tosa yɛ? O lepilɛ niŋ kpe, mbo tosa ma kandu sɔɔŋ maŋgalaŋ yɛ yiɔɔŋ dimioo. Te waŋndo soo pɛ, chaaŋ ndɔ bii ndu bila le. Mi hei tosa ma mal chiɛi nda wa taŋgullo wo. Chiee bɛndu nda wa koŋ taŋgullo wo nda veelu ni aa Babɛɛl. Ndu sim ni, “Sɛɛŋgiaŋndo.” Mi waŋnda kuaŋnuŋ, okoŋ ma kɔ wa ba o ba fee o chieeŋndo choo. Kɛ a wa hiouwɔɔ lachi tuŋ a sɔɔŋ dɛnɛ wɔɔŋndoŋ tosaa o fondaŋnda nda wa ichali laŋ. Baa waŋnda wa pa a ndaa kaala Chɛhowa wa? Ŋ cho hei sina o buŋgɛi cho lachi ve niŋ.